Saturday, September 3, 2011

Posted by မျိုးချစ်သူရဲကောင်းများ On 7:44 PM 0 comments

တောသူလေးနှင့် သဏ္ဍာန်တူသော ဗမာနိုင်ငံတော်၊ ကျွန်စိတ်ရှိသူမှာ တိရစ္ဆာန်နှင့် အတူတူပင်ဖြစ်ကြောင်း၊ ကျွဲ-နွား ဥပမာပြ၍ ရှင်းလင်းပြောကြားသွားပုံ။

လူမျိုးပေါင်းစည်းရေး

ဟင်္သာတမြို့ သတင်းထောက်ထံမှ။ ။ စစ်ဝန်ကြီး မေဂျာဂျင်နရယ် အောင်ဆန်းသည် တိုင်းရင်းသား 

အချင်းချင်း ပေါင်းစည်းရေး ကိစ္စနှင့် တော်သလင်း လဆုတ် ၈ ရက်နေ့က 

ဟင်္သာတမြို့သို့ ရောက်ရှိလာပြီး တော်သလင်းလဆုတ် ၉ ရက်နေ့ နံနက်က ဟင်္သာတမြို့တွင် တရားပွဲတခု

ကျင်းပကြောင်း၊ ထိုသို့ တရားပွဲ ကျင်းပရာတွင် သံဃာတော်များ၊ နိုင်ငံတော်ဝန်ထမ်း အရာရှိကြီးငယ်များ၊

မြို့သူမြို့သားများ လာရောက် နားထောင်ကြရာ တရားပွဲ ကျင်းပရာ မင်္ဂလာညွန့်

ရုပ်ရှင်ရုံကြီးတခုလုံး ပြည့်လျှံသွားလျက် အချို့ ရုံပြင်ဘက်ကပင် နားထောင်ကြရကြောင်း။

တရားပွဲကို နံနက် ၇ နာရီအချိန်တွင် စတင်ကျင်းပလျက် ဟင်္သာတခရိုင်ဝန် ဦးချစ်ဆွေက

နိဒါန်းစကားအဖြစ် ပြောဆိုသည်မှာ “ဗိုလ်ချုပ်အောင်ဆန်း လာမယ်ဆိုတာ မနေ့ညနေကမှ

သံကြိုးရသည့်အတွက် အချိန်မရဖြစ်ပြီး တခမ်းတနား မကြိုဆိုရသည့်အတွက် များစွာ 

စိတ်မကောင်းဖြစ်ရကြောင်း၊ မြို့သူမြို့သားများမှာ ဗိုလ်ချုပ်အောင်ဆန်း၏ တရားများကို ထူးထူးခြားခြား 

နာကြရတော့မည် ဖြစ်သည့်အတွက် များစွာ 

ကုသိုလ်ကောင်းသည်ဟု ပြောရမည်ဖြစ်ကြောင်းနှင့် ပြောဆိုသွားကြောင်း။

အရေးအကြီးဆုံးသောကိစ္စ

ထို့နောက် ဗိုလ်ချုပ်အောင်ဆန်းက ပြောဆိုရာတွင် မိမိသည် တခမ်းတနား အကြိုအဆိုခံချင်သည့်အတွက် 

လာရောက်ခြင်း မဟုတ်ကြောင်း။ မိမိမှာ ဟင်္သာတမြို့သို့ ယခုကဲ့သို့ ရောက်ရှိပြီး တရားဟောရမည့် 

ခရီးစဉ်မပါကြောင်း။ မြို့ပေါ်ရှိ လူကြီး လူကောင်းအချို့နှင့် ကရင်ခေါင်းဆောင်ကြီး အချို့တို့က

လာရောက်ဖိတ်ခေါ်အတွက် ရောက်လာပြီး တရားဟောရမည် ဖြစ်ခြင်းကြောင့် မိမိအား

တခမ်းတနားကြိုဆိုလျှင်လည်း ကြိုဆိုသော လူများအား အပြစ်မပြောဘဲ မကြိုဆိုလျှင်လည်း

ဘာမျှပြောမည်မဟုတ်ကြောင်း၊ မိမိသည် ထိုကဲ့သို့ တခမ်းတနား အကြိုဆိုခံချင်သည့်အတွက်

စစ်ဝန်ကြီးရာထူးယူပြီး ခရီးထွက် လာခြင်းမဟုတ်ကြောင်း။ မိမိ ဟင်္သာတမြို့ မရောက်ခင်က

မြို့သူမြို့သားများက မိမိအား အလွန်ကြောက်လန့်နေသည်ဟု သတင်းရရာ ယခုလည်း

ပိုပြီး ကြောက်သွားအောင် ပြောဆိုသွားမည်ဖြစ်ကြောင်း။ ယခုအခါ စစ်သည် အလွန်အရေးကြီးနေသည့်

အချိန်ဖြစ်သည့်အတွက် အချို့နိုင်ငံများမှာ စစ်ထဲမ၀င်မနေရ ဥပဒေများပင် ထုတ်လျက်ရှိရာ

ဗမာနိုင်ငံတော်မှာလည်း ယခုအခိုက်အတန့်၌ ထိုဥပဒေမျိုး 

မထုတ်ရသေးသော်လည်း နောင်လိုအပ်သည့်အခါ အမှန်ထုတ်ရမည်ဖြစ်ကြောင်း။ မိမိသည် ဤကဲ့သို့ 

ခရီးထွက်ပြီး ဟင်္သာတမြို့သို့ ရောက်ရှိလာခြင်းမှာ စစ်သားစုဆောင်းရေးအတွက် မဟုတ်ဘဲ 

ထိုစစ်သားစုဆောင်းရေး ကိစ္စမှာ သာမန်မျှသာဖြစ်၍ လူမျိုးပေါင်းစည်းရေးအတွက် အဓိကထား၍ 

လာခြင်းဖြစ်ကြောင်း။
 
ယခင်က စစ်မျိုးမဟုတ်

ယခုကမ္ဘာစစ်မှာ ရှေးကဖြစ်ခဲ့သော ကမ္ဘာစစ်မျိုးမဟုတ်ဘဲ ရှေးကဖြစ်ခဲ့သော ကမ္ဘာစစ်မှာ

ဥရောပတိုက်သာဖြစ်လျက် ယခုကမ္ဘာစစ်မှာ ဥရောပတိုက်၊ ပစိဖိတ် သမုဒ္ဒရာ၊ အရှေ့အာရှတိုက်ဟူ၍

ကမ္ဘာတ၀ှမ်းလုံး ဖြစ်ပွားနေကြောင်း။ စစ်တိုက်ရာမှာလည်း အလွန်မြန်ကြောင်း၊ လွန်ခဲ့သော 

ကမ္ဘာစစ်ကြီးတွင် လေယာဉ်ပျံကို အသုံးပြုသော်လည်း အရေအတွက် 

အလွန်နည်းပါးလျက် ကောင်းကင်ယံတွင်လည်း ကြာရှည်သဖြင့် မပျံနိုင်ကြောင်း။

သံချပ်ကာကားများမှာလည်း စစ်ပြီးချိန်အခါလောက်မှ ပေါ်ပေါက်လာလျက် တနာရီလျှင် ၃ မိုင်လောက်သာ

သွားလာနိုင်ကြောင်း။ ယခုကမ္ဘာစစ်မှာ ဟိုကမ္ဘာစစ်လို မဟုတ်၊ လေယာဉ်ပျံများမှာ ထောင်လုံး၊ ရာလုံးနှင့်

ဗုံးကြဲ၍ လေထဲတွင် အချိန်အကြာကြီး ပျံသန်းနိုင်ပြီး သံချပ်ကာကားများမှာလည်း တနာရီ မိုင် ၂၀၊ ၂၅၊ မိုင်

၃၀ စသသည်ဖြင့် သွားလာနိုင်ကြောင်း၊ ယခုအခါ စစ်ဖြစ်သည်ဆိုလျှင် စစ်ကြေညာချင်မှ ကြေညာလျက်

စစ်ဖြစ်နေတာနဲ့ တပြိုင်နက် လေယာဉ်ပျံများက ဘူတာရုံ သင်္ဘောဆိပ်များကို ဗုံးကြဲဖျက်ဆီးပြီး

စစ်အသွားအလာကို နှောင့်နှေးအောင် ပြုလုပ်လိုက်ကြောင်း။ သို့ဖြစ်သည့်အတွက် စစ်ဖြစ်တော့မည်၊ 

စစ်ဖြစ်ပြီ ဆိုသည်နှင့် တပြိုင်နက် စစ်မြေပြင်သို့ စစ်သားများ အရောက်ပို့ပြီး ဖြစ်ရကြောင်း။

အင်အားရှိမှ လူရိုသေမည်

ထို့နောက် ဆက်လက်၍ပြောဆိုသည်မှာ ယခုကမ္ဘာစစ်သည် မည်မျှကြာမည်ကို မည်သူမျှ 

မပြောနိုင်ကြောင်း။ စစ်မည်မျှလောက် ကြာစေကာမူ တိုင်းပြည်မှာ အင်အားရှိဖို့ အရေးကြီးကြောင်း၊ 

အင်အားရှိသော တိုင်းပြည်မှာ လူရိုသေပြီး စစ်ပြီးသည့်အခါ ဝေစုရဦးမည်ဖြစ်ကြောင်း၊ 

လွတ်လပ်ရေးဆိုသည်မှာ ကမ္ဘာက အသိအမှတ်ပြုလောက်အောင် အင်အားရှိမှ လွတ်လပ်ရေးနဲ့ 

တန်ဖိုးရှိမည်ဖြစ်ကြောင်း၊ အရေးအကြီးဆုံးမှာ လူရိုသေအောင် လုပ်ဖို့ဖြစ်ကြောင်း၊ ဥပမာ မိမိသည်

လူရိုသေအောင် လုပ်ခဲ့သည့်အတွက် ယခုအခါ ဟိုလူကခေါ်ချင်၊ ဒီလူကခေါ်ချင်နှင့် ခေါ်ချင်သူတွေ

များပြားသလို ဖြစ်ကြောင်း။

တလုံးတစည်းထဲ ရှိစေရမည်

ဗမာနိုင်ငံတွင် ဗမာ၊ ကရင်၊ ရှမ်း၊ ကချင်၊ ချင်း ဟူ၍ တိုင်းရင်းသားများရှိရာ တလုံးတစည်းထဲရှိပြီး

မဟာဗမာ ဖြစ်ရမည်ဖြစ်ကြောင်း၊ အင်္ဂလိပ်ပြေးစက ဗမာနှင့် ကရင်အချို့တို့ အနည်းငယ်မျှ 

ကသောင်းကနင်းဖြစ်ကြရာ ဘာအကြောင်းကြောင့် ဖြစ်ရသည်ကို ဟိုအခါကလည်း မသိခဲ့ဘဲ

ယခုတိုင်လည်း 

မသိသေးကြောင်း၊ ဗမာလူမျိုးအချို့တို့ စိတ်တွင် ကရင်လူမျိုးများအား အရိုင်းအစိုင်းများဟု 

သဘောထားသူများရှိရာ အလွန်တရာ မှားကြောင်း၊ ကရင်လူမျိုးများစိတ်တွင်လည်း ဗမာပြည်ကောင်းလျှင်

တို့နှင့်မဆိုင်ဟု သဘောထားသူများရှိရာ ထိုသို့ သဘောထားလျှင် အလွန်မှားလျက် 

တိုင်းရင်းသားအကုန်အစင် တန်းတူအခွင့်အရေး ရရှိမည်ဖြစ်ကြောင်း၊ အမေရိကန်ပြည်ဆိုလျှင် 

လူမျိုးစုံသွားရောက်နေထိုင်လျက် ထိုသို့သွားရောက်နေထိုင်သော လူမျိုးစုံတို့၏စိတ်မှာ

တိုင်းရင်းသားအဖြစ်ထားကြကြောင်း၊ ဗမာနိုင်ငံမှာ တိုင်းရင်းသားချည်းဖြစ်သည့်အတွက်

တိုင်းရင်းသားစိတ်ကို ပို၍ထားရမည်ဖြစ်ကြောင်း။ ကိုးကွယ်သော ဘာသာမှာ အမျိုးမျိုးအဖုံဖုံ

ကွဲပြားသော်လည်း လူမျိုးမှာ တလုံးတစည်းတည်း တိုင်းရင်းသားစိတ်ထားရမည်ဖြစ်ကြောင်း။

ကျွန်စိတ်ရှိသူများ

ဆက်လက်ပြောဆိုသည်မှာ တချို့က ဟိုလူလာ ကောင်းနိုးနိုး၊ ဒီလူလာ ကောင်းနိုးနိုး ထင်မှတ်နေရာ 

ထင်မှတ်သည့်သူများအထဲမှ တယောက်တလေ ကောင်းစားချင် ကောင်းစားမည်ဖြစ်သော်လည်း တမျိုးလုံး 

ဒုက္ခတွေ့မည်ဖြစ်ကြောင်း။ ကျွန်စိတ်ရှိသောသူများမှာ တိရစ္ဆာန်နှင့် အတူတူပင်ဖြစ်ကြောင်း၊

လူနှင့်တိရစ္ဆာန်မှာ စဉ်းစားဉာဏ်ကွာခြားကြောင်း၊ နွားအုပ်၊ ကျွဲအုပ်ကို နွားကျောင်းသားတယောက်ထဲက 

ကြိမ်လုံးတလုံးထဲနှင့် အုပ်ထိန်းနေကြောင်း၊ ကျွဲတွေနွားတွေမှာ စဉ်းစားဉာဏ်နှင့် တော်လှန်ချင်စိတ် 

မရှိသည့်အတွက် နွားကျောင်းသားတယောက်၏ အအုပ်အချုပ်ကို ခံနေကြရကြောင်း၊ လူမှန်လျှင် 

စဉ်းစားဉာဏ်နှင့် တော်လှန်ချင်စိတ် အမြဲရှိရမည်ဖြစ်ကြောင်း၊ ထိုစိတ်မျိုးမရှိဘဲ ကိုယ့်အမျိုး 

ကိုယ်မချစ်သောသူများမှာ နွားတွေ၊ ကျွဲတွေချည်းဖြစ်ကြောင်း။

လူမရွေးတတ်လျှင် ရောဂါရမည်

ဆက်လက်ပြောဆိုသည်မှာ ဗမာနိုင်ငံတော်သည် ကျွန်းသစ်၊ ရေနံ၊ ဓါတ်သတ္တုများ အလွန်ပေါများသော 

တိုင်းပြည်ဖြစ်ရာ ဟိုလူလိုချင်၊ ဒီလူလိုချင်ဖြစ်ကြောင်း။ ဥပမာ ဗမာနိုင်ငံသည် တောသူလေးတယောက်နှင့်

တူကြောင်း၊ တောသူလေးတယောက်သည် လက်ဦးအစ တောတွင်နေစဉ် အ၀တ်အစားမရှိ၊ 

မဖီးမလိမ်းတတ်နှင့် မည်သူမျှ မလိုချင်ကြကြောင်း။ နောက် တောသူလေး မြို့သို့ရောက်လာပြီး

ဖီးတတ်လိမ်းတတ်ပြီး အ၀တ်အစား ကောင်းကောင်းမွန်မွန်လေးနှင့် ဖြစ်လာတဲ့အခါ တောသူကလေးက

လူရွေးတတ်ဖို့ အရေးကြီးကြောင်း၊ သို့မဟုတ်ဘဲ

လူမရွေးတတ်လျှင် တောသူကလေးမှာ ရောဂါရမည်ဖြစ်ကြောင်း၊ ယခုအခါမှာ ဤအတိုင်းဖြစ်ကြောင်း။

နောက်ဆုံးပြောဆိုသည်မှာ ရန်သူများ တိုင်းနိုင်ငံထဲသို့ 

အနည်းအကျဉ်းဆိုသလို ရောက်ချင်ရောက်မည်ဖြစ်ကြောင်း။ သို့ရာတွင် လူမျိုးကို မနိုင်နိုင်ကြောင်း။

တိုင်းပြည်အတွင်း ရန်သူများရောက်သည်နှင့် လူမျိုးကို နိုင်သည်မှာ တခြားစီဖြစ်ကြောင်း။

ရန်သူများလာလျှင် အကူအညီမပေးဘဲ မီးနဲ့ ရှို့တန်ရှို့၊ ဖျက်တန်ဖျက်လျှင် ရန်သူများ အလိုလို

ထွက်သွားရမည်ဖြစ်ကြောင်း။ သို့ဖြစ်ရာ တိုင်းရင်းသား အချင်းချင်း စည်းလုံးပြီး အင်အားရှိဘို့ 

အရေးကြီးဆုံးဖြစ်ကြောင်းနှင့် ရှည်လျားစွာ မိန့်ကြားသွားကြောင်း။

တရားပွဲအစတွင် အမျိုးသားသီချင်းနှင့် ဖွင့်လှစ်၍ တရားပွဲ အဆုံးတွင်လည်း အမျိုးသားသီချင်းနှင့်ပင်

ရုပ်သိမ်းလိုက်ကြောင်း။

Posted by မျိုးချစ်သူရဲကောင်းများ On 7:36 PM 0 comments

နောက်ဆုံးအချိန်အထိ ကာကွယ်ရေး

ဒါကြောင့် ဗမာအမျိုးသားများက ဗမာပြည်ကို ကာကွယ်ကြရမယ်။ ဗမာပြည်ကို ဘယ်လို

ကာကွယ်ရမယ်ဆိုတာ ကျွန်တော်စီစဉ်နေပါတယ်။ ဗမာပြည်သူများဟာ ဒီစစ်ပွဲကို နိုင်အောင်

ဘယ်နည်းနဲ့ဖြစ်စေ ကြိုးစားကြရမယ်။ ကျွန်တော်တို့ရဲ့မြေ တစ်လက်မကိုတောင် နောက်ထပ်တကြိမ်

ဓါးပြတိုက်ယူခွင့် မပြုနိုင်ဘူး။ ပင်လယ်ကမ်းရိုးတန်းမှာ တောင်တန်းတွေပေါ်မှာ၊ ချိုင့်ဝှမ်းတွေမှာ၊

လမ်းပေါ်မှာ၊ 

ရွာတွေမှာ၊ မြို့တွေမှာနဲ့ အိမ်တိုင်း အခန်းတိုင်းမှာ နေထိုင်ကြတဲ့ မိန်းမတွေနဲ့ ခလေးတွေ အပါအ၀င် ရှမ်း၊ 

ကရင်၊ ချင်း၊ တောင်သူ၊ ပလောင်၊ တိုင်းရင်းသားများအားလုံး ဓား၊ ဒုတ်၊ ရိုင်ဖယ်၊ 

လှံတွေစွဲကိုင်ပြီး နောက်ဆုံးအချိန်အထိ ဗမာပြည်ကို ကာကွယ်ကြရမယ်။ သေမြေကြီး၊ ရှင်ရွှေထီးဆိုတဲ့ 

စကားအတိုင်း လုပ်ကြရမယ်။ ဗမာပြည်ဟာ သစ်ပင်ဝါးပင် မပေါက်တဲ့မြေ လုံးလုံး ဖြစ်သွားပေမဲ့ 

လွတ်လပ်ရေးကိုတော့ လက်မလွှတ်။ အလျှော့ပေးလိမ့်မယ် မဟုတ်ဘူး။ စစ်နိုင်တဲ့အခါ

ကျွန်တော်တို့ ပြန်လည်ထူထောင်ကြမယ်။

ဒီနည်းအတိုင်း လုပ်သွားမယ်လို့ ကျွန်တော်ပြောတဲ့အခါ တချို့လူတွေက ကြောက်ရွံ့ထိတ်လန့်နေကြတယ်။

ဗမာပြည်ကို တဦးထဲ မကာကွယ်နိုင်ဘူးဆိုတာ အရင်က ကျွန်တော်ပြောခဲ့ပြီးပြီ။

ဒါကြောင့် ကြောက်ရွံ့ထိတ်လန့်ပြီး ပြေးမနေကြပါနဲ့။ နောက်ဆုံးအချိန်အထိ တိုက်ခိုက်နိုင်တဲ့ နိုင်ငံတနိုင်ငံဟာ 

ဘယ်တော့မှ အထိုးအနှက်မခံရတော့ဘူး ဆိုတာကို ရာဇ၀င်က ပြနေပါတယ်။

ကျွန်တော်တို့ရဲ့ တပ်များဟာ ခင်ဗျားတို့ရဲ့ တပ်များလို့ မှတ်ပါ။ ခင်ဗျားတို့ဟာလည်း ကျွန်တော်တို့ရဲ့

တပ်များအနက် တတပ်ပါပဲ။ ကျွန်တော်တို့တပ်များက ခင်ဗျားတို့ကို ညှင်းပမ်းနှိပ်စက်ဖို့ မဟုတ်ဘူး။ သူတို့ဟာ

ရှမ်း၊ ကရင်၊ ချင်း အပါအ၀င် အမျိုးသားတွေကို ညှင်းပမ်းနှိပ်စက်ဖို့ မဟုတ်ဘူး။ ကျွန်တော်တို့ဟာ 

ကျွန်တော်တို့ရဲ့ အမျိုးသားတွေကို လျစ်လျူရှုမနေဘူး။ ကျွန်တော်တို့ဟာ မိသားစု 

တစုတည်းဖြစ်တယ်။ နောက်တကြိမ် ကျွန်တော်တို့ တပ်မတော်အတွက် လူစုဆောင်းတဲ့အခါ တခြားညီအကို

တိုင်းရင်းသားတွေထဲကလည်း ခေါ်မယ်။

တပ်မတော်ထဲက လူတွေဟာ ဘယ်ဘာသာကိုမဆို ကိုးကွယ်နိုင်ကြပါတယ်။ ကျွန်တော်တို့က တပ်မတော်ကို 

တိုးချဲ့မယ်။ ဒါဟာ ခင်ဗျားတို့ တပ်မတော်။ တပ်မတော်ကို ကူညီကြပါ။ လူတိုင်း လူတိုင်း 

ဗမာပြည်ကာကွယ်ရေးအတွက် အသင့်ပြင်ထားကြရမယ်။ သက်ဆိုင်သူများကလည်း ရင်မြေကတုတ်လုပ်ပြီး

တိုက်ပွဲကို နိုင်သည်အထိ ခေါင်းဆောင်သွားကြပါလိမ့်မယ်။

ဒါကြောင့် ဗမာအမျိုးသားတို့ ထကြလော့။ နိုးကြားကြလော့...။

Posted by မျိုးချစ်သူရဲကောင်းများ On 7:33 PM 0 comments

အဓိက လုပ်ငန်း

ဒါကြောင့် ဗမာပြည်ရဲ့ အဓိကလုပ်ငန်းဟာ ကာကွယ်ရေး ပထမ၊ ကာကွယ်ရေး ဒုတိယနဲ့ 

ကာကွယ်ရေး နောက်ဆုံးဖြစ်တယ်။ ကာကွယ်ရေးကို အခြေခံပြီး ကျွန်တော်တို့တတွေ

ဗမာနိုင်ငံတော်သစ်ကို 

တည်ဆောက်ကြရမယ်။ အဲဒီ့နောက် ဗမာပြည်ဟာ တောင့်တင်းခိုင်မာတဲ့ 

ပထမတန်းစား နိုင်ငံတနိုင်ငံ ဖြစ်လာမယ်။ ဒီအကျိုးကျေးဇူးတွေနဲ့ ကျွန်တော်တို့ အမြဲတန်း ပျော်ပျော်ရွှင်ရွှင်

ခံစားနေနိုင်ကြမယ်။ ဗမာပြည်ကို တည်ဆောက်နေတာ အုန်းပင်၊ ထန်းပင် စိုက်တာနဲ့ တူတယ်လို့ 

ကျွန်တော်တို့ နားလည်ကြရမယ်။ အုန်းပင်က အချိန်အကြာကြီး ပင်ပင်ပန်းပန်း လုပ်ပြီးတဲ့နောက်မှ 

အကျိုးခံစားရမယ်။ ကျွန်တော်တို့ အလုပ်ဟာ ငှက်ပျော်စိုက်သလို အချိန်တိုတိုလေးနဲ့ အသီးစားရတာ

မဟုတ်ဘူး ဆိုတာလည်း ကျွန်တော်တို့ နားလည်ကြရမယ်။ ကျွန်တော်တို့ အလုပ်ဟာ ကျွန်တော်တို့ 

သက်တမ်းအတွင်း အကျိုးခံစားရမှာ မဟုတ်ဘူးလို့ ထင်ရင်း လွယ်လွယ်ချောင်ချောင်လေး

ဆက်နေကြမယ်ဆိုရင် ကျွန်တော်တို့ ရာဇ၀င်ကျွေးမကြေဘဲ ကျန်ရစ်မှာပဲ။ ဒီအတိုင်းလုပ်ရင်တော့ ဒုစရိုက် ၅

ပါး ကျူးလွန်သူများ ကမ္ဘာတည်သရွေ့ နောက်ဆုံးအချိန်အထိ အကုသိုလ်အပြစ်ဒဏ် ခံစားနေကြရသလို

ရာဇ၀င်က ကျွန်တော်တို့ကို ဒဏ်ခတ်မှာပဲ။ ကျွန်တော်တို့ ဘယ်လိုလဲ။ ကျွန်တော်တို့လည်း 

အဂတိမလိုက်စားတဲ့ ရာဇ၀င်တရားခုံရုံးက ပြည်သူတွေကို ကျဆုံးပျက်ဆီးအောင် လုပ်တယ်ဆိုတဲ့ စွဲချက်နဲ့ 

အကုသိုလ် အပြစ်ဒဏ်ပေးတာ ခံရမှာပဲ။ ဒီတော့ ရာဇ၀င်မှာ ရဲရင့်တဲ့ ဗမာအမျိုးသားကြီးတွေအဖြစ် 

မခံယူနိုင်တဲ့ ဒီလိုအောက်တန်းကျတဲ့ လူတွေ အဖြစ်ခံမလား။ ရာဇ၀င်ကို အိုးမဲသုတ်တဲ့ အောက်တန်းကျတဲ့ 

အညံ့စားလူတွေ အဖြစ်ခံမလား။ ဗမာအမျိုးသားများ ဒါကို စဉ်းစားကြပါ။ ကျွန်တော်တို့ အခုလွတ်လပ်ရေး 

ရခဲ့ကြပြီ။ ရရှိတဲ့ လွတ်လပ်ရေးကို ခိုင်ခိုင်မြဲမြဲ ဆုပ်ကိုင်ထားပြီး တည်တန့်ခိုင်မြဲအောင်

လုပ်ခြင်းဖြင့် ပျော်ရွှင်စွာ ခံစားဘို့ ကျွန်တော်တို့ ကြိုးစားကြရပေမယ်။

Posted by မျိုးချစ်သူရဲကောင်းများ On 7:31 PM 0 comments

တောင့်တင်းခိုင်မာတဲ့ ဗမာပြည် ဖြစ်ဖို့လိုတယ်

အရှေ့အာရှကာကွယ်ရေးနဲ့ ပတ်သတ်လို့ ကျွန်တော်တို့ အချက် ၃ ချက် နားလည်ရမယ်။ အဲဒီအချက်တွေက

ဘာတွေလဲ။ ပထမအချက်က မဟာအရှေ့အာရှ 

အတူကြီးပွားရေးနယ်အတွင်းရှိ နိုင်ငံအားလုံး တောင့်တင်းရမယ်။ ဒုတိယအချက်က

အရှေ့အာရှထူထောင်ရေးနဲ့ အရှေ့အာရှကာကွယ်ရေးမှာ နိပွန်နိုင်ငံဟာ ခေါင်းဆောင်အနေနဲ့ 

အရေးကြီးအခန်းကနေ လုပ်ဆောင်နေတယ် ဆိုတာကို ကျွန်တော်တို့ အပြည့်အ၀ နားလည်ရမယ်။ 

ဒီအချက်ကတော့ အကျယ်ချဲ့ရှင်းပြနေစရာ မလိုဘူး။ အရှေ့အာရှ နင်းချေခံနေရတဲ့အချိန် အရှေ့အာရှဟာ 

ဥရောပထက် မသာလွန်နိုင်ဘူးလို့ အားလုံးကထင်နေကြတဲ့ အချိန်မှာ နိပွန်နိုင်ငံဟာ ရုရှ-နိပွန် စစ်ပွဲမှာ

နိပွန်က အောင်ပွဲဆင်ပြီး ရှေ့တန်းတက်လာတယ်။ အဲဒီအချိန်ကစပြီး အရှေ့အာရှမှာ လျင်မြန်စွာ

တိုးတက်လာပြီး ပြည်သူများလည်း နိုးကြားလာတယ်။ အိန္ဒိယနိုင်ငံဟာလည်း 

ဗမာပြည်လိုပဲ နိုးကြားလာတယ်။ ဒါဟာ ရန်သူများကို မောင်းထုတ်ရာမှာ နိပွန်ဟာ 

အရှေ့အာရှမှာ ခေါင်းဆောင်ခဲ့တယ်ဆိုတဲ့ အချက်တချက် မဟုတ်လား။ ဒါ့ကြောင့် နိပွန်ဟာ 

အနာဂါတ်မှာလည်း ခေါင်းဆောင်ရမယ်။ တဖန် နိပွန်ဟာ အရှေ့အာရှနဲ့ အရှေ့ဘက် တံတိုင်းကြီးဖြစ်တယ်။ 

အပြောမဟုတ်ဘဲ အင်အားအတောင့်ဆုံး ကာကွယ်ရေးအဆင့်မျိုးဖြစ်ဖို့ အဲဒီလို စစ်ပရိယာယ်

သဘောအားဖြင့် တံတိုင်းတစ်ခု ရှိဖို့လိုတယ်။ တတိယအချက်ကတော့ ဗမာပြည်ဟာ ဘာ့ကြောင့် 

အရှေ့အာရှမှာ အရေးကြီးသလဲ။ ဘာကြောင့်လဲဆိုတော့ ဗမာပြည်ဟာ အနောက်ဘက် တံတိုင်းဖြစ်လို့ဘဲ။

ဗမာပြည်ဟာ စစ်ပရိယာယ်အားဖြင့် အရေးကြီးတဲ့လမ်းတွေ၊ ရေတပ်အခြေခံစခန်းတွေနဲ့ 

ဆက်သွယ်နေတယ်။ တကယ်လို့ ဗမာပြည်ကျသွားရင် ကျန်တဲ့ အရှေ့အာရှနိုင်ငံတွေ ထိခိုက်ကုန်လိမ့်မယ်။ 

ဒါကြောင့် တောင့်တင်းတဲ့ ဗမာပြည် ဖြစ်ဘို့လိုတယ်။ ဗမာပြည်ဟာ မကြာခင်

ဒီအဆင့်ကို ရောက်အောင်လုပ်ရမယ်။ ဒီလိုဖြစ်ဖို့ ကျွန်တော်တို့ တခြားနိုင်ငံတွေထက် နှစ်ဆ၊ သုံးဆ

ကြိုးစားကြရလိမ့်မယ်။ ကျွန်တော်တို့ ရှူံးရင် ကျွန်တော်တို့ အကုန်လုံး ပျက်သုဉ်းမှာဘဲ။

ဒီခေတ်ကြီးမှာ စစ်ပွဲတွေဟာ ရုတ်တရက် ပေါက်ကွဲလာနိုင်တယ်။ ထုံးစံအတိုင်း စစ်ကြေညာမှုတွေဟာ 

မရေရာဘူး။ ဒီတော့ လူ၊ လက်နက်၊ ခဲယမ်းမီးကျောက်နဲ့ အခြား စစ်နဲ့သက်ဆိုင်တဲ့ ပစ္စည်းတွေ 

အသင့်ရှိကြရမယ်။ ငြိမ်းချမ်းတဲ့ အချိန်မျိုးမှာတောင် ဒါတွေဟာ အသင့်ရှိထားဘို့ လိုတယ်။ စစ်ဖြစ်နေတဲ့ 

အချိန်မှာဆိုရင် ဘယ်လိုနှုန်းနဲ့ဖြစ်ဖြစ် ကျွန်တော်တို့ ဖြစ်နိုင်သလောက် ကြိုးပမ်းအားထုတ်ပြီး

ဒါတွေလုပ်ကြရမယ်။ ငြိမ်းချမ်းတဲ့ ကျွန်တော်တို့ကာလမှာတောင် အေးအေးဆေးဆေး ချောင်ချောင်ကလေး 

မနေနိုင်ဘူး။ ဒါ အမှန်ပဲ။ အချမ်းသာဆုံးဖြစ်တဲ့ အမေရိကန်နဲ့ အကြီးဆုံး အင်ပိုင်ယာရှင်ဖြစ်တဲ့

ဗြိတိန်တို့ဟာ အေးအေးဆေးဆေး လွယ်လွယ်ချောင်ချောင်ကလေး နေခဲ့ကြလို့ လွန်ခဲ့တဲ့ ၂ နှစ်အတွင်း 

ကျဆုံးခဲ့ကြရတယ်။ လက်တွေ့အားဖြင့် စက်မှုလက်မှုလုပ်ငန်းမရှိ၊ လူဦးရေ နည်းနည်းလေးရှိတဲ့ 

ဗမာနိုင်ငံလို နိုင်ငံငယ်လေးအဖို့ ကျွန်တော်တို့ အစွမ်းရှိသလောက် ကြိုးပမ်းအားထုတ်ကြရမယ်ဆိုတာ

ကျွန်တော်တို့ နားလည်ကြရမယ်။ ဒီလိုမှ မဟုတ်ရင်တော့ ကျွန်တော်တို့ဟာ တနည်းနည်းနဲ့ 

ကျဆုံးပျက်ဆီးခြင်းနဲ့ ရင်ဆိုင်ကြရမှာပဲ။

Posted by မျိုးချစ်သူရဲကောင်းများ On 7:28 PM 0 comments

စစ်တပ်များ လိုတယ်

ဗမာပြည်ကို ကာကွယ်ဖို့ ကျွန်တော်တို့ဟာ ဘာလိုသလဲ။ စစ်တပ်တွေ သေချာပေါက်လိုတယ်။ 

ဒီတပ်တွေထဲမှာ ကြည်းတပ်၊ လေတပ်၊ ရေတပ်တွေ ပါတယ်။ ကျွန်တော်တို့ စစ်တပ်လိုရင် ကျွန်တော်တို့မှာ 

လူတွေရှိရမယ်။ အဲဒီနောက် ဒီလူတွေကို ကျွေးဘို့၊ ထောက်ပံ့ဘို့၊ သူတို့အတွက် 

လက်နက်ခဲယမ်းမီးကျောက်တွေ ခန့်ခွဲပေးအပ်ဖို့ ကျွန်တော်တို့မှာ ငွေနဲ့ လိုအပ်တဲ့ပစ္စည်းတွေ ရှိရမယ်။

ဒီလိုအရာတွေ ကျွန်တော်တို့မှာ အလုံအလောက် ရှိပြီတဲ့လား။ ယခုခေတ် စစ်ပွဲတွေက ရှေးခေတ်က

စစ်နဲ့မတူဘူး။ ရှေးခေတ်ကတော့ လူတထောင်လောက် စစ်မြေပြင်ဆင်းပြီး အမိန့်အတိုင်း တိုက်ရုံပဲ။

ဒီခေတ်ကတော့ ရှေ့တန်းစစ်မျက်နှာလွှတ်ဖို့ ကျွန်တော်တို့ လူတွေ အမြောက်အမြားရှိရမယ်။

လက်နက်ပေါင်း များစွာရှိရမယ်။ ပြည်သူလူထုကလည်း နောက်ပိုင်းကနေပြီး စစ်အသိ၊ စစ်သတိနဲ့ စစ်နိုင်ဘို့ 

ကိုယ်နဲ့သက်ဆိုင်တဲ့ တာဝန်တွေကို ထမ်းဆောင်ကြရမယ်။ ဒီလိုအခြေအနေကို ကျွန်တော်တို့ ကြိုက်တာ၊ 

မကြိုက်တာက အကြောင်းမဟုတ်ဘူး။ ဒီအခြေအနေကို ကြည့်ပြီး ကျွန်တော်တို့ တွေးရမယ်၊ လုပ်ရမယ်။ ဒါမှ

ကျွန်တော်တို့ အသက်ရှင်နေနိုင်မယ်။ ဒါကို ကျွန်တော်တို့ အမြဲသတိရှိ နေရမယ်။ ကျွန်တော်တို့ တိုင်းပြည်နဲ့ 

ကျွန်တော်တို့ ပြည်သူတွေဟာ အခြေခံ အက္ခရာစဉ် စာလုံးတွေကို လေ့ကျက်သင်အံနေတဲ့ ကျောင်းသားဘ၀

ကလေးငယ်တစ်ယောက်နဲ့ တူတယ်။ ဒါကြောင့် ကျွန်တော်တို့ ဗမာပြည် ကာကွယ်ရေးကို စီစဉ်ရင်

ကျွန်တော်တို့ဟာ အက္ခရာစဉ်ကို လေ့ကျက်သလို ရှေ့တည့်တည့်ကိုလည်း ကြည့်ရမယ်။ 

နယ်စပ်ကို ကျော်လွန်ပြီး တရုတ်၊ အန္ဒိယ၊ ရှိုနန်၊ အန်ဒမန်၊ မလေးရှား၊ ယိုးဒယား၊ အင်ဒိုချိုင်းနား၊ 

အရှေ့အိန္ဒိယ ကျွန်းစု၊ သီဟိုဠ်၊ အာဖရိကတိုက်ရဲ့အရှေ့ကမ်းရိုးတန်း တလျှောက်ဖြစ်တဲ့

မာဒါးကားစကားကိုလည်း ကြည့်ရမယ်။ အဲဒီအခါ ကျွန်တော်တို့ဟာ အရှေ့အာရှအရိပ်ကို ခိုလှုံခြင်းမပြုဘဲ 

မစီစဉ်နိုင်ဘူးဆိုတာ တွေ့ရမယ်။ ပြီးတော့ ဗမာပြည်ရဲ့ ကာကွယ်ရေးဟာလည်း လုံလောက်တဲ့ 

ကာကွယ်ရေးလို့ မခေါ်နိုင်ဘူး။ ဒီနောက် တဖန် အရှေ့အာရှ ကာကွယ်ရေးမှာ ဗမာပြည်ရဲ့ ကာကွယ်ရေး၊ 

(တရုတ်-ဗမာ လမ်းမကြီး၊ ရှိုနန်ရေတပ် အခြေခံစခန်းနဲ့ ရေနံမြေများ အပါအ၀င်) မပါဘဲ ထွက်နေရင် 

ဒီအတွက် အရှေ့အာရှနဲ့ နိပွန်မှာ ဘယ်လို ထိခိုက်မယ်ဆိုတာ ကျွန်တော်တို့ တွေ့မြင်နိုင်ကြမယ်။ ဒါကြောင့် 

ဗမာပြည်ရဲ့ ကာကွယ်ရေးဟာ အရှေ့အာရှ ကာကွယ်ရေး ဖြစ်တယ်လို့ ကျွန်တော်ပြေခြင်းဖြစ်တယ်။

Posted by မျိုးချစ်သူရဲကောင်းများ On 7:26 PM 0 comments

ဗမာပြည် ကာကွယ်ရေးသည် အရှေ့အာရှ ကာကွယ်ရေးဖြစ်သည်။

အောက်ပါ မိန့်ခွန်းမှာ ဇန်န၀ါရီလ ၄ ရက်နေ့တွင် ရေဒီယိုမှနေ၍ ကာကွယ်ရေးဝန်ကြီး မေဂျာဂျင်နရယ် 

ဗိုလ်ချုပ်အောင်ဆန်းက ဗမာပြည်၏ ကာကွယ်ရေးဟူသော ခေါင်းစဉ်ဖြင့် ပြောကြားသော မိန့်ခွန်းဖြစ်သည်။


အားလုံးသိကြတဲ့အတိုင်း ကျွန်တော်ဟာ ဗမာနိုင်ငံလွတ်လပ်ရေးကြေညာတဲ့နေ့ ၁၉၄၃ ခုနှစ် သြဂုတ်လ ၁ 

ရက်နေ့မှာ ကာကွယ်ရေးဝန်ကြီးအဖြစ် ခန့်အပ်ခြင်းခံခဲ့ရတယ်။ ဒါပေမဲ့ ဒီနေ့အထိ ဗမာပြည်ကာကွယ်ရေးနဲ့ 

ပတ်သတ်လို့ ပြည့်ပြည့်စုံစုံ မပြောရသေးဘူး။ ဒါကြောင့် နှစ်သစ်အစဖြစ်တဲ့ ဒီနေ့မှာ ခင်ဗျားတို့ 

နားလည်ဖို့လိုမယ်။ ဗမာပြည်ကာကွယ်ရေးနဲ့ ပတ်သက်လို့ နည်းနည်းပြောရမယ်။


ဗမာပြည် ကာကွယ်ရေးအကြောင်း ပြောတဲ့နေရာမှာ ကျွန်တော်တို့တတွေဟာ လက္ခဏာ ၂ ရပ်ကို 

သတိပြုကြရမယ်။ အဲဒါက အမည်အားဖြင့် အကျယ်နဲ့ အကျဉ်း၊ ပထမဆုံး ကျွန်တော်တို့ ဗမာပြည် 

ကာကွယ်ရေးလို့ ပြောတဲ့အခါ တချို့ဗမာတွေက ဒီစကားလုံးကို အင်မတန် ပျော့တယ်လို့ ထင်ကောင်း 

ထင်ကြလိမ့်မယ်။ ဒါပေမဲ့ ဒီလို မဟုတ်ပါဘူး။ ဗမာပြည်၏ ကာကွယ်ရေးလို့ ကျွန်တော်တို့ 

ဘာ့ကြောင့်ပြောသလဲ၊ ကျွန်တော်တို့ဟာ ကျွန်တော်တို့ နိုင်ငံကို မချဲ့ချင်ဘူး။ နယ်မြေတွေကိုလည်း 

တိုက်ပြီးမယူချင်ဘူး။ ကျွန်တော်တို့နိုင်ငံ နယ်မချဲ့ချင်ဘူး။ ကျွန်တော်ဟာ ဗမာပြည်ကို ကာကွယ်ချင်တယ်။ 

ပြီးတော့ ကျွန်တော်တို့နိုင်ငံ အမြဲတမ်း တောင့်တင်းနိုင်သမျှ တောင့်တင်းအောင်လုပ်မယ်။ ဒါကြောင့် 

ကျွန်တော် လေကြီးမိုးကြီး စကားမပြောဘဲ ဗမာပြည်ရဲ့ ကာကွယ်ရေးဆိုတဲ့ 

စကားလုံးလောက်ပဲ ပြောတာဖြစ်တယ်။ ဗမာပြည် စကားပုံတခုမှာ လေကြီးမိုးကြီး ပြောဆိုလုပ်ကိုင်တဲ့ 

စီမံကိန်းတွေဟာ အဲဒီစီမံကိန်းမပြီးခင်ကဘဲ ပျက်စီး ဆုံးရှုံးရတာပဲဆိုတဲ့ အဓိပ္ပါယ် သက်ရောက်တဲ့ 

စကားပုံရှိပါတယ်။ ခြိမ်းသာခြိမ်းပြီး မရွာတဲ့မိုးလိုပေါ့။ ကာကွယ်ရေးအလုပ်ဟာ ကျွန်တော်တို့ရဲ့တာဝန်ပဲ။ အခု 

ကျွန်တော်အားလုံးကို အသံလွှင့်ပြောကြားနေတဲ့ ရည်ရွယ်ချက်ဟာ ဒီတာဝန်ကို 

ဘယ်လိုဆောင်ရွက်မလဲဆိုတာနဲ့ တိုင်းပြည်က အကူအညီပေးဘို့ ပြောနေတာဖြစ်တယ်။

Posted by မျိုးချစ်သူရဲကောင်းများ On 7:24 PM 0 comments

ကျန်းမာရေးနှင့် ညီညွတ်အောင် နေလိုသော စိတ်ဓာတ်နှင့် လူအင်အား တိုးပွားအောင် ဆောင်ရွက်ကြလော့

လူဦးရေ များပြားခြင်းသည် နိုင်ငံနှင့်တကွ လူတမျိုးလုံး၏ ကြီးပွားတိုးတက်ရေးတွင် 

အခြေခံဖြစ်သည်ကို ပြောပြရန် လိုမည်မထင်ပါ။ သို့ရာတွင် ဗမာနိုင်ငံတွင် ယခုထက်တိုင် 

ကူးစက်တတ်သော ကပ်ရောဂါ ထူပြောနေသေးသဖြင့် များစွာကုန်သော လူ့တန်ဖိုးတို့သည်

ထိုကပ်ရောဂါတို့ကြောင့် အသက် ဆုံးရှုံးကြရလေသည်။ မစွမ်းမသန် ဖြစ်ကြရရှာလေသည်။ ဤအချက်ကား 

ဗမာနိုင်ငံသစ်တွင် ဘေးဆိုးကြီးတရပ် ဖြစ်လေသည်။ ကျန်းမာရေးနှင့် စပ်ဆိုင်သော ပညာရပ်တို့ကို 

ဗမာနိုင်ငံ၌ နှစ်သက်ဖွယ်ဖြစ်အောင် အနှံ့အပြား ဖြန့်ချီပေးလိမ့်မည်ဟု ကျွန်ုပ် မျှော်လင့်သည်။ 

စားသောက်နေထိုင်ပုံတို့ကို ပြုပြင်ပေးလိမ့်မည်ဟုလည်း မျှော်လင့်သည်။ သို့မှသာ ဗမာနိုင်ငံဝယ် 

လူဦးရေတိုးတက်၍ ဗမာတို့လည်း ကျန်းမာ သန့်ရှင်းသော လူမျိုးဖြစ်လာနိုင်ပေမည်။


ဤနေ့ထူးနေ့မြတ်တွင် ကျွန်ုပ်သည် အထက်ပါ အကြံဉာဏ်များကို ပေးခဲ့ပါ၏။ အဖသည် လူ့လောကသို့ဝင်၍ 

အလုပ်လုပ်အံ့ဆဲဆဲဖြစ်သော သားချစ်ရတနာကို အကြံဉာဏ်များ ပေးသကဲ့သို့ 

ဤအကြံဉာဏ်များကို ပေးအပ်ခြင်းဖြစ်ပါသည်။ အသင်တို့သည် ကျွန်ုပ်၏ စေတနာစိတ်ထားကို 

ယုံကြည်လေးမြတ်၍ ဤစစ်ကြီးကို အောင်မြင်ရေးနှင့် နိုင်ငံကောင်း နိုင်ငံမြတ် ထူထောင်ရေး 

လမ်းကြောင်းကို လိုက်ပါလျှင် အသင်တို့၏ လိုဘ ဆန္ဒကြီး ပြည့်စုံမည်ဟု ကျွန်ုပ် ယုံကြည်စိတ်ချပါသည်။


နိဂုံးချုပ်လိုသည်မှာ ဗမာတို့သည် နိပွန်လက်နက် နိုင်ငံတော်ကြီးနှင့်တကွ နိပွန်အရှင်ဧကရာဇ် 

တပ်မတော်ကြီးတို့နှင့် စိတ်အားထက်သန်စွာ ပူးပေါင်းဆောင်ရွက်ခဲ့သည်ကို တွေ့ရှိရသဖြင့် 

အထူးဝမ်းမြောက်ပါသည်။ နိပွန် လက်နက်နိုင်ငံတော်ကြီးနှင့် နိပွန်အရှင် ဧကရာဇ် တပ်မတော်ကြီး 

တို့ကလည်း အသင်တို့ကို လုံးဝယုံကြည် ကိုးစားပါသည်။ ထို့ပြင် ဗမာနိုင်ငံသစ်သည် 

အရှေ့အာရှတိုက်နှင့်အတူ ကြီးပွားရေး နယ်ပယ်ကြီးတွင် အဆက်အသွယ်ကြီးတခု အဖြစ်ဖြင့် 

ရရှိခဲ့ပြီးဖြစ်သော ဤအဆင့်အတန်းနှင့် လျော်ညီစွာ 

 အလျင်အမြန် ပေါက်မြောက်အောင် ဆောင်ရွက်လိမ့်မည်ဟု မျှော်လင့်ပါသည်။ ကျွန်ုပ်တို့အဘို့မှာကား 

ဗမာနိုင်ငံတော်ကို တတ်အားသရွေ့ အကူအညီပေး၍ ပူးပေါင်း ဆောင်ရွက်ရန် 

လိုလားကြောင်း ကြေညာလိုက်ပါသတည်း။

Posted by မျိုးချစ်သူရဲကောင်းများ On 7:22 PM 0 comments

စက်မှုလက်မှုမှစ၍ အခြားသက်ဆိုင်ရာ အတတ်တို့ကို တတ်မြောက်သော ဗမာတို့၏ စွမ်းရည်သတ္တိတို့ကို ကြီးထွားအောင်ပြု၍ နိုင်ငံအင်အားကို ဖြည့်ပါလော့။ တိုးပွားအောင် ပြုပါလော့။

ဗမာနိုင်ငံသည် သဘာဝအလျောက် တည်ရှိနေသော ဥစ္စာရတနာ 

အပေါင်းတို့နှင့် ပြည့်စုံသည့် နိုင်ငံဖြစ်လေသည်။ ရာသီဥတု အခြေအနေကလည်း 

ထိုဥစ္စာရတနာအပေါင်းတို့ကို တိုးတက်အောင် ဖြည့်စွမ်းနိုင်သော အခြေအနေဖြစ်သည်။ ထို့ကြောင့် 

အသင်တို့သည် အထွေထွေ ပညာရေးနှင့်တကွ စက်မှုလက်မှုပညာတို့ကို အားပေး အရေးယူသင့်လေသည်။

သို့မှသာ ဗမာအပေါင်းတို့သည် ထိုဥစ္စာရတနာအပေါင်းတို့ကို တိုးတက်အောင် ဆောင်ရွက်ရာတွင် မိမိတို့ 

တတ်သိသော ပညာတို့ကို စူးဆောက်ပမာ အသုံးချနိုင်မည်ဖြစ်သည်။ တဖန် အလုပ်လုပ်လိုသော 

စိတ်ဓာတ်ကို သွင်းပေးခဲ့သော်  ဗမာဥစ္စာရတနာအပေါင်းတို့သည် တိုးတက်မည်အမှန်ဖြစ်သည်။

ထိုသို့ တိုးတက်လျှင် ဗမာတမျိုးလုံး ချမ်းသာ၍ 

ဗမာတမျိုးလုံး၏ အင်အားလည်း ကြီးမားလာလိမ့်မည်ဖြစ်သည်။

Posted by မျိုးချစ်သူရဲကောင်းများ On 7:19 PM 0 comments

ထကြွလုံ့လရှိသော စိတ်၊ သူရသတ္တိရှိသော စိတ်၊ အလုပ်၌ စိတ်ဝင်စားသော စိတ်၊ အကျိုးဆောင်လိုသော စိတ်တို့ကို ပြုစုပျိုးထောင်၍ အားပေးကြရမည်။

ဗမာတို့သည် ပင်ကိုယ်ကပင် သူရသတ္တိနှင့် ပြည့်စုံသော လူမျိုးဖြစ်သည်။ ထကြွလုံ့လရှိ၍ 

တိုးတက်ကြီးပွားလိုသော လူမျိုးလည်းဖြစ်သည်။ လူတမျိုးတမျိုး၏ တိုးတက်ခြင်း၊ လျော့ကျခြင်းတို့သည် 

ထိုလူမျိုး၏ ပစ္စည်းအင်အားအပေါ်မှာသာ တည်ရှိနေသည် မဟုတ်၊ စိတ်ဓာတ် အင်အားအပေါ် 

တည်ရှိနေသည်။ ဗမာသမိုင်းကို ပြန်လှန်၍ ကြည့်ရှုလျှင် ဗမာတို့၏ စိတ်ဓာတ်အင်အား ကြီးမားကြောင်းကို 

ထင်ရှားစွာ တွေ့မြင်ရလိမ့်မည်။ အသင်တို့သည် ဗမာတို့သတ္တိကို ပြန်လှန်၍ ခေါ်ပါလော့၊ ပေါ့ပေါ့ဆဆ 

မနေစေဘဲ၊ ပျင်းရိစွာမနေစေဘဲ အကျိုးဆောင်လိုသော စိတ်ဓာတ်၊ အလုပ်လုပ်လိုသော စိတ်ဓာတ်တို့ကို 

သွင်းပေးသင့်လေသည်။ ယင်းသို့ စိတ်ဓာတ်သစ်သွင်းပေးနိုင်လျှင် ဗမာနိုင်ငံသည် အမှန်မုချ ကြီးမား 

တိုးတက်မည်ဖြစ်သည်။

Posted by မျိုးချစ်သူရဲကောင်းများ On 7:18 PM 0 comments

အင်္ဂလိပ်တို့၏ ဓလေ့ထုံးစံနှင့် အင်္ဂလိပ်တို့၏ စိတ်နေစိတ်ထားတို့ကို စွန့်လွှတ်ကြကုန်လော့

စည်းစိမ် လောဘထွက်လိုသောစိတ်၊ မိမိကိုယ်ကို အများနှင့် သီးသန့်ခြားနားလိုသော စိတ်နှင့် အနေအထိုင်

နည်းလမ်း စည်းကမ်းများသည် အသင်တို့ကို ပျက်စီးအောင် ပြုခဲ့သည် မဟုတ်ပါလော။ ထိုအချက်တို့ကို 

အသင်တို့ကိုယ်တိုင် ပြန်လှန်၍ စဉ်းစားအပ်ပေသည်။ ထိုအချက်တို့မှာ လောက၀တ္တရားနှင့် 

ကိုယ်ကျင့်တရားကိုသာ အရေးတကြီး ဂရုပြုတတ်သော အရှေ့တိုင်းရင်းသားတို့၏ စိတ်နှင့် 

ဆန့်ကျင်လျက်ရှိသည်။ သူခပ်သိမ်းတို့ စိတ်ရွှင်လန်းမှု၊ အထူးကြီးပွားချမ်းသာမှုတို့ကိုသာ 

အရေးပေးတတ်သော အရှေ့တိုင်းသားတို့၏ ၀ါဒနှင့်လည်း ဆန့်ကျင်လျက်ရှိသည်။ အင်္ဂလိပ်တို့၏ 

စိတ်နေစိတ်ထား၊ နေနည်း ထိုင်နည်းတို့သည် အသင်တို့၌ ကိန်းအောင်းနေသေးသမျှ ကာလပတ်လုံး 

ဗမာနိုင်ငံ၏ ကြီးပွားတိုးတက်ရေးကို မျှော်မှန်းနိုင်မည် မဟုတ်ချေ။ ထို့ကြောင့် လိုအပ်သော 

စိတ်နေစိတ်ထား၊ နေနည်း   ထိုင်နည်းတို့ကို မြဲမြံသောသတိဖြင့် ဖယ်ရှားသုတ်သင်ကြလေကုန်။

Posted by မျိုးချစ်သူရဲကောင်းများ On 7:16 PM 0 comments

ဗမာ့လွတ်လပ်ရေး ကြေညာသော အခမ်းအနား၌ မိန့်ဆိုသော စစ်သေနာပတိမိန့်ခွန်း

ဤနေ့၊ ဤအချိန်၊ ဤအခါတွင် ကျွန်ုပ်တို့၏ စိတ်နှလုံးကို သိမ်းကျုံးယူငင် ချစ်ခင်ဘွယ်ဖြစ်သော

ဗမာနိုင်ငံတော်သည် အရှေ့အာရှတိုက်ကြီး လွတ်မြောက်ရေး၏ ရှေ့တော်ပြေးအဖြစ် အငြိုးကြီးစွာ

ဖိစီးနှိပ်ကွပ်သော အင်္ဂလိပ်တို့၏ ချုပ်ကိုင်ကြပ်တင်း လက်အတွင်းမှ ဖျက်ခွင်းလွတ်မြောက်အောင်ပြု၍ 

လွတ်လပ်ရေးတည်းဟူသော အသရေကို ဆောင်ယူခဲ့ပြီးဖြစ်သည်ကို တွေ့မြင်ရသဖြင့် ကျွန်ုပ်မှာ 

လွန်ကဲသော ရွှင်လန်းဝမ်းမြောက်ခြင်း ဖြစ်ရပါသည်။ လွတ်လပ်ရေးကို ရရှိအောင်မြင်သဖြင့်

ဗမာတမျိုးလုံးသာလျှင် ရွှင်လန်းဝမ်းမြောက်ခြင်းမဟုတ်၊ တကမ္ဘာလုံးရှိ လူအပေါင်းတို့လည်း 

ရွှင်လန်းဝမ်းမြောက်ခြင်း ဖြစ်ရပေသည်။

ထိုမျှမကသေး၊ မဟာအရှေ့အာရှတိုက်ရှိ သိန်းသန်းများစွာ ရှိကုန်သော အရှေ့အာရှတိုက်သားများအပြင်

ကမ္ဘာ့ခေတ်သစ်ကို ထူထောင်ရန် နေ့စဉ်နှင့်အမျှ ရဲရင့်စွာ စစ်တိုက်ခိုက်နေသော မဟာမိတ်နိုင်ငံများရှိ 

လူအပေါင်းတို့မှာလည်း ရွှင်လန်းဝမ်းမြောက်ခြင်း ဖြစ်မည်ကား မလွဲဧကန်ပင်တည်း။

စစ်မှုအုပ်ချုပ်ရေး အခြေအနေမှတဆင့် တိုးမြင့်သော အခြေအနေသို့ တက်ရောက်လာသော ဤနေ့၊ 

ဤအချိန်၊ ဤအခါ၊ ဤအခမ်းအနားတွင် ဘ၀သစ်ကို ရရှိလာသော ဗမာနိုင်ငံတော်သစ်ကို စတင် 

ထူထောင်နိုင်ပါစေသတည်းဟု ကျွန်ုပ်က ကောင်းချီးမင်္ဂလာ သြဘာစကား ပြောကြားလိုသည့်အပြင်

ဗမာအပေါင်းတို့အား မေတ္တာလက်ဆောင်အဖြစ်ဖြင့်လည်း မိမိ၏ထင်မြင်ချက် အနည်းငယ်တို့ကို ပြောကြား၍ 

ဗမာတို့၏ နောင်ရေးအတွက်ကိုလည်း ကောင်းမြတ်သော 

ဆုတောင်းမင်္ဂလာ သြဘာစကားကို ပြောကြားလိုပါသည်။

ရှေးဦးစွာ အသင်တို့အား ဗမာနိုင်ငံသစ်ကို စစ်ကြီးအတွင်းမှာ တည်ထောင်ထားသည်ဟု

သတိထားစေလိုပါသည်။ ထို့အပြင် ကျွန်ုပ်တို့၏ ရန်သူလည်းဖြစ်သော၊ ဗမာတို့၏ ရန်သူလည်းဖြစ်သော

အင်္ဂလိပ်နှင့် အမေရိကန်တို့ကို အပြီးအပြတ် လက်နက်ချအပ်သည်တိုင်အောင် သာသနာရေးစစ်ပွဲကြီးပမာ

တိုက်ခိုက်ရန် အာရုံတခုတည်းကို ထားရှိရန် သတိထားစေလိုပါသည်။

ဤအချိန်အခါတွင် အရှေ့အာရှတိုက်သားတို့သည် မဟာအာရှတိုက်ကြီး လွတ်လပ်အောင် အင်္ဂလိပ်နှင့်

အမေရိကန်တို့ကို သုတ်သင်ရန် တရားလမ်းကျသော၊ မြတ်သော ဤစစ်ပွဲကို တိုက်နေသည်ဟု သင်တို့လည်း

သိပြီးဖြစ်သည်။ ဤစစ်ပွဲကြီး အပြီးအပြတ်မနိုင်သမျှ ကာလပတ်လုံး မဟာအရှေ့အာရှတိုက်ကြီးသည် 

မည်သည့်အခါမျှ လွတ်မြောက်နိုင်မည် မဟုတ်။ မဟာအရှေ့အာရှတိုက်ကြီး မလွတ်မြောက်သမျှ 

ကာလပတ်လုံး ဗမာနိုင်ငံသစ်၏ လွတ်လပ်ရေးလည်း ခိုင်မြဲသေးမည်မဟုတ်။ ဗမာအပေါင်း၏ ရွှင်လန်း 

ဝမ်းမြောက်ခြင်းသည်လည်း တကယ့် ရွှင်လန်း ၀မ်းမြောက်ခြင်း ဖြစ်နိုင်မည်မဟုတ်သေးချေ။ ထို့ကြောင့် 

ဤစစ်အောင်မြင်မှုသည် ရှေးဦးစွာ လိုအပ်သော အခြေခံအဓိက အချက်ကြီးဖြစ်လေသည်။

ဤစစ်ကြီးကို အောင်မြင်နိုင်သောအခြေအနေသည် ကျွန်ုပ်တို့၏ လက်ဝယ်ရောက်ရှိနေပြီး အောင်မြင်ရန် 

အခြေခံ အုတ်မြစ်ကိုလည်း ချပြီးလေပြီ။ ထို့ကြောင့် ဗမာအပေါင်းတို့သည် နိပွန်အရှင် ဧက္ကရာဇ်မင်းမြတ်၏ 

တပ်မတော်များကို ယုံကြည်ကိုးစား၍ နိပွန်နိုင်ငံတော်ကြီးနှင့် ရင်းနှီးစွာ လုံးဝပူးပေါင်း ဆောင်ရွက်ပြီးလျှင် 

နိပွန်၊ ဗမာတို့၏ ရန်သူတို့ကို အပြီးအပိုင် ဖျက်ဆီးသုတ်သင် သင့်လေသည်။ များမကြာမှီပင်လျှင် 

ကျွန်ုပ်တို့သည် အောင်ပန်းကို ဆင်မြန်းရတော့မည် အမှန်ဖြစ်လေသည်။

ကျွန်ုပ် သတိပေးလိုသည်မှာ စစ်ပွဲကြီးကိုလည်း တိုက်ခိုက်နေစဉ် ယင်းသို့

တိုက်ခိုက်နေသောအချိန်တွင် နိုင်ငံသစ်ကိုလည်း ပြန်လည် ထူထောင်နေစဉ် ဤစစ်ပွဲကြီးကို 

အပြီးအတိုင် အောင်နိုင်သည့်နေ့အထိ အပျော်ကြူးမှု၊ စည်းစိမ်ခံစားမှုတို့ကို

လုံးဝမပြုရန် ဖြစ်သည်။ ပေါ့ပေါ့ဆဆ ပျင်းရိ ဖင့်နှဲ့ခြင်းကိုလည်း လုံးဝမပြုရန်ုဖြစ်သည်။ 

ဗမာနိုင်ငံသားတို့သည် တွေ့ကြုံရမည့် အခက်အခဲတို့ကို ကျော်နင်းနိုင်ရမည်ဟု စိတ်ပိုင်းဖြတ်၍

အသက်စည်းစိမ်တို့ကို ဗမာနိုင်ငံအတွင်း စွန့်လွှတ်ရန် ဖြစ်သည်။ သေးဖွဲသော သဘောကွဲလွဲမှုတို့ကို 

လုံးဝဥပက္ခာပြု၍ အရေးကြီးသောကိစ္စတို့၌သာ စည်းစည်းလုံးလုံး 

ညီညီညွတ်ညွတ်နှင့် ဆောင်ရွက်ရမည်။ ဆောင်ရွက်ရာတွင်လည်း ဆိုင်းတွဖင့်နှေးခြင်းမရှိဘဲ

လျှပ်ပြက်သကဲ့သို့ လျင်မြန်စွာ ပြီးမြောက်အောင် ဆောင်ရွက်ရမည်။

နိုင်ငံထူထောင်သောအရေးမှာ လွယ်ကူသော အရေးမဟုတ်။ အလွန်ခက်ခဲသောအရေးဖြစ်သည်။ 

အထူးသဖြင့် စစ်အတွင်းမှာ သာ၍ခက်ခဲသည်။ လူ့ပြည်မှာ အကျိုးခံစားရခြင်းသည် နတ်ပြည်မှာ 

အကျိုးခံစားရခြင်းထက် သာလွန်ကောင်းမွန်သည်။ ထို့ထက် သာလွန် ကောင်းမွန်သည်ကား လူ့ပြည်တွင် 

လူအပေါင်းတို့ အချင်းချင်း အေးချမ်းသာယာစွာ အညီအညွတ်နေခြင်းပင် ဖြစ်သည်ဟု တရုတ်စကားပုံတခု 

ရှိလေသည်။ ဤစကားပုံသည် သိအပ်မှတ်အပ်သော စကားပုံခုပင် ဖြစ်သည်။ ဗမာနိုင်ငံဝယ် အထက်ပါ

အကျိုးခံစားမှုတရား နှစ်ပါးစလုံးပင် ရှိ၏။ ဗမာအပေါင်းတို့ကလည်း အေးချမ်းသာယာစွာ

အညီအညွတ် နေထိုင်ကြလျှင် အထက်ပါ အခက်အခဲတို့သည် များမကြာမှီ ကုန်ဆုံးပပျောက်ရန် 

အကြောင်းရှိသည်။

ဗမာအပေါင်းတို့သည် မိမိ၏ ရှေးက အဖြစ်သနစ်ကို ပြန်လှန်သတိရပါ။ 

အင်္ဂလိပ်တို့ ပြုကျင့်ခဲ့သည်များကိုလည်း ပြန်လှန်၍ စဉ်းစားပါ။ လွန်ခဲ့သော အနှစ်တရာလောက်က 

အင်္ဂလိပ်တို့သည် ဗမာများ တနေ့တခြား ရေနည်းငါးကဲ့သို့ အင်အားချည့်နဲ့ အောင်ဗမာ အမျိုးသားအချင်းချင်း 

ရန်တိုက်ပေးခဲ့ကြလေသည်။ နိုင်ငံရေး ဂိုဏ်းအချင်းချင်းကိုလည်း ရန်တိုက်ပေးခဲ့ကြလေသည်။ ယင်းသို့ 

ရန်တိုက်ပေးပြီးလျှင် အလုပ်ကို ထိရောက်အောင် မလုပ်စေဘဲ အကျိုးမဲ့သော

အငြင်းစကားဖြင့်သာ အချိန်ကို ကုန်လွန်စေခဲ့ကြသည်။ အသင်တို့သည် ဤကဲ့သို့သော

အင်္ဂလိပ်တို့၏ ပရိယာယ်ညွှတ်ကွင်းသို့ 

ချဉ်းနင်းဝင်ရောက်မိသော သားကောင်ပမာ မသိလိုက်မသိဖာသာ ဖြစ်ခဲ့ရလေသည်။

ယခုအခါတွင် အသင်တို့သည် သတ္တိဗျတ္တိနှင့် ပြည့်စုံသင့်ကြလေပြီ။ အတိတ်ကာလ 

သဘောကွဲပြားမှုကိုလည်း စွှန့်လွှတ်၍ အသင်တို့သည် ဆင်းရဲချမ်းသာမရွေး၊ လူမျိုးမရွေး၊ 

ဘာသာမရွေး မြင့်မြတ်သော ရည်ရွယ်ချက်ကြီးကို အဓိကထားပြီးလျှင် ထိုရည်ရွယ်ချက်ကြီးအတွက် 

အသက်စည်းစိမ်ကို ပူဇော်သင့်ကြလေပြီ။ ဗမာလူမျိုးအားလုံးသည် တစိတ်တ၀မ်းတည်းဖြစ်၍ 

ညီညွတ်တောင့်တင်းရမည်။ အကျိုးမဲ့ အငြင်းအခုံ မဖြစ်ပွားစေသင့်ဘဲ အလုပ်ရှိသမျှကို တွင်ကျယ် 

လျင်မြန်စွာ လုပ်ဆောင်၍ နိုင်ငံ၏ အခြေခံအုတ်မြစ်ကို ခိုင်မြဲစွာ ချသင့်လေပြီ။


Posted by မျိုးချစ်သူရဲကောင်းများ On 7:09 PM 0 comments

စစ်သားကို နိပွန်တို့ ရိုသေပုံ

နောက်ဆုံး ကျွန်တော်ပြောဆိုချင်တဲ့ အချက်ကတော့ လူတွေက စစ်တပ်၊ စစ်သားကို 

ချီးမြှင့်ကြဖို့ ပြောလိုပါတယ်။ နိပွန်ပြည်မှာ စစ်သားကို သိပ်အရေးပေးကြတယ်။ စစ်သားတစ်ယောက်

စစ်တပ်ကို လာရမယ်လို့ အမိန့်ရတဲ့အခါ အဲဒီစစ်သားကို လူအမြောက်အမြား လိုက်ပို့ကြတယ်။ 

ချီးကျူးကြတယ်။ ဆလံပေးကြတယ်။ စစ်မြေပြင်ထွက်တဲ့ စစ်သားဆိုရင် ဘယ်လောက်ပင် ရာထူးကြီးတဲ့ 

လူဖြစ်ဖြစ် အလေးပြုကြတယ်။ ဘယ်လောက် အားကျဖို့ ကောင်းသလဲ။ နိပွန် ရှင်ဘုရင်မင်းကြီး ကိုယ်တိုင်က 

စစ်သားတွေကို လေးစားတယ်။ နိပွန်ရှင်ဘုရင်ကြီးဆိုတာ တခြားတိုင်းပြည် ရှင်ဘုရင်တွေနဲ့ တူတာ 

မဟုတ်ဘူး။ နိပွန်ဘုရား အစစ်ပဲ။ အဲဒီ ဘုရားရှင်ဘုရင်ကြီး ကိုယ်တိုင် ကျဆုံးတဲ့ စစ်သားများအတွက် 

ရည်စူးပြီး ဋ္ဌာပနာတဲ့ အရိုးအိုးစေတီကို ဦးခိုက်ရတယ်။ ကိုင်းညွှတ်ရတယ်။ မြန်မာပြည်မှာတော့ 

မဟုတ်ပေါင်။ မြန်မာ့လွတ်လပ်ရေး တပ်သားတွေ အသက်လည်း သေရသေးတယ်၊ အဆင်းရဲလည်း 

ခံရတယ်။ ဒီအလောင်းကောင်တွေကို နင်းပြီး တက်လည်း သွားကြသေးတယ်။ အကောင်း မပြောချင်ကြဘူး။


ခေတ်ပျက်ကြီးတုန်းက သူခိုးဓားပြတွေထူလို့ လူတွေခိုကိုးရာမဲ့ဖြစ်တုန်း ကာကွယ်ပေးခဲ့တာတွေကိုမေ့၊ 

ကိုယ့်ပစ္စည်းကလေးတွေ သိမ်းဆည်းထားတာ ဗာရဏသီချဲ့ပြီး မချီးမြှင့်ကြဘူး။ ရှက်ဖွယ်... ရှက်ဖွယ်။ 

ဒို့မြန်မာတွေ မရှက်ဖူးလား။ ကိုယ့်ကိုယ်ကို ပြန်ရှက်ကြပါဦး။ မြန်မာပြည်မှာရှိတဲ့ လူတွေထဲမှာ စစ်တပ် 

စစ်သားဟာ ထိပ်ဆုံးပဲ။ သူတို့ထက် မြတ်တာမရှိဘူး။ ခင်ဗျားတို့ ဘာထင်ထင် ခင်ဗျားတို့ထက် 

တိုင်းပြည်ကို ဆောင်ရွက်နိုင်တဲ့ လူတွေ။ ဆောင်လည်း ဆောင်ရွက်ခဲ့ကြပြီ။ ကျုပ်တို့ စစ်သားတွေကို 

အားပေးကြ၊ လေးစားကြပါ။ ဒါမှ မြန်မာပြည် ချမ်းသာမယ်။ အခု စစ်သားတွေ စုဆောင်းပြီး ဆိုင်ရာ 

တပ်စခန်းသွားကြတဲ့အခါ ဆိုင်ရာ ဒေသက မြန်မာတွေအားလုံး တံခွန်ကုက္ကား မုလေးပွားနဲ့ စစ်တံခွန်၊ 

စစ်သီချင်း၊ စစ်သံတွေပေးပြီး လိုက်ပို့ကြစမ်းပါ။ ကြည့်ရသေးတာပေါ့လေ။ ကိုင်း... အခုညအဘို့ 

ဒါပါဘဲ။ တော်သေးပြီ။ မြန်မာတွေ အဝေရာဟောန္တု။

Posted by မျိုးချစ်သူရဲကောင်းများ On 7:04 PM 0 comments

မိမိတို့ အသက်အိုးအိမ် စည်းစိမ်စွန့်ခွာနိုင်မှ

"ရဲဘော်တို့...


ရဲဘော်တို့သည် မိမိ၏ အသက်နှင့် သားမယား စည်းစိမ်ဥစ္စာ ပစ္စည်းတို့ကို စွန့်ခွာနိုင်ပါမှ၊ ဤလွတ်လပ်ရေး 

တပ်မတော်မှာ အမှုထမ်းကြပါ။ သည်လိုမှ မစွှန့်လွှတ်နိုင်လျှင် ယခုအချိန်ကစ၍ တပ်မတော်မှ 

ထွက်ခွင့်ပြုပါတယ်။ စစ်ဆိုသည်မှာ နိုင်မည်ရှုံးမည် မပြောနိုင်ပါ။ သေမည်၊ ရှင်မည်မသိ။ ဂျပန်နှင့် 

အင်္ဂလိပ်တို့သည် စစ်ကြေငြာ၍ တိုက်သောစစ်ဖြစ်သည်။ ဂျပန် ဖြစ်စေ၊ အင်္ဂလိပ် ဖြစ်စေ၊ သုံ့ပန်း အဖြစ် 

အဖမ်းခံရပါက သတ်ရန် ဥပဒေ မရှိခဲ့ချေ။ ရဲဘော်တို့ ငါတို့ကို ရန်သူ အင်္ဂလိပ်ဖမ်းပါက ပုန်ကန်သူ၊ 

သူပုန်အဖြစ်နှင့် ကြိုးစင်သော်၎င်း၊ 

တသက်တကျွန်းသော်၎င်း၊ ထောင်ဒဏ်သော်၎င်း ပေးမည်မှာ သေချာတယ်။ ရဲဘော်တို့ ငါတို့သည် မကြာမီ 

ဗမာပြည် လွတ်လပ်ရေးအတွက် အင်္ဂလိပ်ကို တော်လှန်တိုက်ပွဲ ၀င်ရလိမ့်မည်။ ရဲဘော်တို့ ငါတို့သည် စားရန်

စားရေရိက္ခာမရှိ၊ ၀တ်ရန် အ၀တ်မရှိ။ သို့အတွက်ကြောင့် ရဲဘော်တို့သည် အိပ်ရန်မြေကြီး၊ 

စားသောက်ရန် ကျောက်ခဲ၊ ဒါပဲ ငါ တတ်နိုင်တယ်။ ဤစစ်တပ်ထဲသို့ ၀င်ရောက်အမှုထမ်းသောကြောင့် 

ရာထူး ဋ္ဌာနန္တရ ရလိမ့်မည်။ သူဋ္ဌေးကြီး ဖြစ်လိမ့်မည် မမျှော်လင့်ပါနဲ့။


အေး... ကံအားလျော်စွာ စစ်နိုင်၍ လွတ်လပ်ရေး ရရှိပါက ဗမာပြည်ကို ဆိုရှယ်လစ် လူ့ဘောင် 

တည်ဆောက်မည်။ ဤကဲ့သို့ တိုင်းပြည်ကို ဆိုရှယ်လစ်လူ့ဘောင် တည်ဆောက်သောအခါ ရဲဘော်တို့သည် 

ကာယအား၊ ဉာဏအား စွမ်းအားရှိသရွေ့ တတ်နိုင်သည့်ဘက်က လုပ်အားပေးရမယ်။ တိုင်းပြည်က 

ထိုက်တန်သော အကျိုးခံစားခွင့်ကို ရဲဘော်တို့ကို ပေးမယ်။ အကယ်၍ အလုပ်မလုပ်နိုင်၍ 

အနားယူသောအခါ စားပြီး အိပ်၊ အိပ်ပြီး စား၊ အိုးပိုင် အိမ်ပိုင်နှင့် စိတ်ချမ်းသာစွာ နေထိုင်စားသောက်နိုင်ရန် 

ငါကတိပေးပါတယ်...။

Posted by မျိုးချစ်သူရဲကောင်းများ On 7:01 PM 0 comments

ဇာတိမာန်နှင့် သေကြပါ

ဗိုလ်ချုပ်အောင်ဆန်းနှင့် ရဲဘော်သုံးကျိပ်တို့ ဟေနန်ကျွန်းတွင် ဂျပန်များက စစ်ပညာသင်ပေးနေကြစဉ်၊

ဂျပန်တို့က ၄င်းတို့အား အားလုံးဖျောက်ဖျက်မည့် အခြေအနေမျိုးကို ကြုံတွေ့နေကြရစဉ်

ဗိုလ်ချုပ်အောင်ဆန်းက ပြောသည်မှာ ---

“ဟေ့... သေလည်း ဗမာပီပီ ဇာတိမာန်နှင့် သေကြပါ...”

“ရန်သူကို မိမိလက် အားနေရင် လက်နှင့်ထိုး၊ ခြေအားနေရင် ခြေနဲ့ကန်ပါ...။ နောက်ဆုံး ပါးစပ်အားနေလျှင်

ပါးစပ်နှင့် ကိုက်ပြီးမှ ရဲရဲ သေပြလိုက်ကြတာပေါ့...။”

Posted by မျိုးချစ်သူရဲကောင်းများ On 12:16 AM 0 comments

ကိုယ်ကျင်.တရားနှင်.အမှန်တရား

လူမှာအရေးကြီးဆုံး နှစ်ခုပဲရှိတယ်။ အဲဒါကကိုယ်ကျင့်တရားရယ် အမှန်တရားကိုမြတ်နိုးမှု

(love of truth) ရယ်  ဒါဘဲဖြစ်တယ်။

                                                         ဗိုလ်ချုပ်အောင်ဆန်း

Friday, September 2, 2011

Posted by မျိုးချစ်သူရဲကောင်းများ On 11:58 PM 0 comments

ဗိုလ်ချုပ်အောင်ဆန်း၏ စည်းရုံးရေးစွမ်းရည်



မြန်မာ့လွပ်လပ်ရေးသမိုင်းကိုမှတ်တန်းတင်ရေးသားသည်ရှိသော် 

၁၉၄၇-ခုနှစ်ဆန်းကဗိုလ်ချုပ်အောင်ဆန်း ခေါင်းဆောင်သော

မြန်မာကိုယ်စားလှယ်အဖွဲ့တစ်ဖွဲ့သည် မြန်မာ့လွတ်လပ်ရေးကိစ္စအရေးဆိုရန်

ရန်ကုန်မြို့မှ ဗြိတိန်နိုင်ငံ၊ လန်ဒန်မြို့သို့ သွားရောက်ခဲ့သည်ကိုလည်းကောင်း၊ 

ဗိုလ်ချုပ်တို့ အဖွဲ့နှင့် ဗြိတိသျှနန်းရင်းဝန် (၀န်ကြီးချုပ်) မစ္စတာအက်တလီဦးဆောင်သည့် 

ဗြိတိသျှကိုယ်စာလှယ်အဖွဲ့တို့ ၁၉၄၇-ခုနှစ်၊ ဇန်န၀ါရီလ ၁၃ ရက်နေ့မှစ၍ လန်ဒန်မြို့ရှိ 

ကမ္ဘာကျော် လိပ်စာတစ်ခုဖြစ်သော အမှတ် ၁၀၊ ဒေါင်းနင်းလမ်း (No. 10,

Downing 

Street)တွင် စတင်ဆွေးနွေးခဲ့သည်ကို လည်းကောင်း ချန်လှပ်ထားလိုက်ပါက 

ပြီးပြည့်စုံမည် မဟုတ်ချေ။

ထိုနှစ်ဆန်းက သမိုင်းတွင်ကျန်ရစ်မည့် ရက်စွဲတစ်ခုကား ၁၉၄၇ ခုနှစ်၊ ဇန်န၀ါရီလ 

၂၇ရက်နေ့ပင် ဖြစ်သည်။ အကြောင်းမူကား ထိုနေ့တွင် 

ဗြိတိသျှအစိုးရက မြန်မာနိုင်ငံအား တစ်နှစ်အတွင်း 

လုံးဝလွပ်လပ်ရေး ပေးပါတော့မည်ဟု 

အာမခံချက်ပေးသည့် ‘အောင်ဆန်း-အက်တလီစာချုပ်’ ကိုအောင်မြင်ချောမောစွာ 

လက်မှတ်ရေးထိုး လိုက်ကြသောကြောင့်ပင်တည်း။

‘လုံးဝလွတ်လပ်ရေး’ ဆိုသည်မှာလည်း မြန်မာပြည်မနှင့်တကွ တောင်တန်းဒေသရှိ 

လူမျိုးစုများနေထိုင်ရာဒေသ (ပြည်နယ်) များ အပါအ၀င် UNION ‘ယူနီယံ’ ခေါ် 

‘ပြည်ထောင်စု’ ပုံစံအဖြစ် လွတ်လပ်ရေးပေးခြင်းကို ဆိုလိုပေသည်။


လက်မှတ်ရေးထိုးပြီးနောက် ၁၉-၇-၄၇ နေ့တွင် ဗိုလ်ချုပ်နှင့် တကွ အပေါင်းအပါ 

အာဇာနည်ခေါင်းဆောင်ကြီးများ လုပ်ကြံခံရ၍ ကျဆုံးသွားလင့်ကစား ဗိုလ်ချုပ်၏ 

ဦးဆောင်မှုဖြင့် ဆွေးနွေးတောင်းဆိုရာမှ ရရှိခဲ့သော ‘အောင်ဆန်း-

အက်တလီစာချုပ်’သည် ပျက်ပြယ်မသွားခဲ့ပါချေ။ ၁၉၄၇-ခုနှစ်၊ ဇူလိုင်လ ၁၉ ရက်နေ့ 

ညပိုင်းမှာပင် ဗိုလ်ချုပ်အောင်ဆန်းနေရာ ဆက်ခံရန်၊ တာဝန်ဆက်လက်ယူရန်

ဗြိတိသျှဘုရင်ခံက ဖဆပလအဖွဲ့ချုပ် ဒုတိယဥက္ကဋ္ဌ သခင်နု (ဦးနု)ကို 

ဖိတ်ခေါ်ခန့်ထားပြီးနောက် မကြာမီ ဦးနု ကိုယ်တိုင် ဗြိတိသျှအစိုးရ၏ ဖိတ်ခေါ်ချက်အရ 

လန်ဒန်မြို့သို့ သွားရောက်၍ လွတ်လပ်ရေးအပြီးသတ် အစီအစဉ်အဖြစ်

‘နု-အက်တလီစာချုပ်’ကို လက်မှတ်ရေးထိုးနိုင်ခဲ့ပါသည်။)

မည်သို့ပင်ဖြစ်စေ ‘တစ်နှစ်အတွင်း လုံးဝလွတ်လပ်ရေးပေးပါမည်’ ဟု ဗြိတိသျှ အစိုးရက 

အာမခံချက်ပေးခဲ့သည့် ‘အောင်ဆန်း-အက်တလီစာချုပ်’ အရ မြန်မာနိုင်ငံသည် 

၁၉၄၈-ခု၊ ဇန်န၀ါရီ ၄ ရက်နေ့၊ နံနက် ၄နာရီ မိနစ်၂၀ မှစ၍ ‘ပြည်ထောင်စုသမ္မတနိုင်ငံ’ 

အဖြစ် လွတ်လပ်သော အချုပ်အခြာအာဏာပိုင်နိုင်ငံ ဖြစ်လာခဲ့သောကြောင့် ယင်းသို့ 

တကယ်လွတ်လပ်ရေးရချိန်၌ သူ အသက်ထင်ရှား မရှိတော့လင့်ကစား

သူ၏ဦးဆောင်ကြိုးပမ်းမှုကြောင့် လွတ်လပ်ရေးရခဲ့ခြင်းဖြစ်လေရာ 

ဗိုလ်ချုပ်အောင်ဆန်းအား ‘လွတ်လပ်ရေးဗိသုကာ’ ဟု 

ဂုဏ်ပြုတင်စား ခေါ်ဝေါ်နေကြခြင်းဖြစ်သည်။

ယနေ့လူငယ်များ အထူး သိရှိမှတ်သားကြစေချင်သည်ကား လွတ်လပ်ရေး အတွက်

၂၇-၁-၄၇ နေ့က လန်ဒန်မြို့တွင် လက်မှတ်ရေးထိုး ချုပ်ဆိုခဲ့သော ‘အောင်ဆန်း-

အက်တလီစာချုပ်’ကို ဗိုလ်ချုပ်အောင်ဆန်းအနေဖြင့် အခက်အခဲမရှိ လွယ်ကူချောမောစွာ

ချုပ်ဆိုနိုင်ခဲ့ခြင်း မဟုတ်ဟူသော အချက်ပင်တည်း။

ဗိုလ်ချုပ်အောင်ဆန်းသည် လန်ဒန်မြို့သို့ရောက်ပြီး ၀န်ကြီးချုပ် 

မစ္စတာအက်တလီ ခေါင်းဆောင်သော ဗြိတိသျှအစိုးရအဖွဲ့နှင့် စတင်ဆွေးနွေးကြသည့် 

၁၉၄၇-ခု၊ ဇန်န၀ါရီလ ၁၃ ရက်နေ့ကပင် သူ၏လိုလားချက်ကို 

ဘွင်းဘွင်းနှင့် ပြတ်သားစွာပင် တောင်းဆိုခဲ့သည်။ 

သူ့အနေဖြင့် မြန်မာနိုင်ငံ ပြည်မအတွက်သာမက တောင်တန်ဒေသရှိ 

တိုင်းရင်းသားလူမျိုးစုအတွက်ပါ ကိုယ်စားပြု၍ လာရောက်ခြင်းဖြစ်ကြောင်း၊ လိုချင်သည့် 

လွတ်လပ်ရေးပုံစံကလည်း ပြည်မနှင့် တောင်တန်းဒေသနေ 

လူမျိုးစုများ၏ ဒေသနယ်ပယ် (ပြည်နယ်) များ စုပေါင်းဖွဲ့စည်းအပ်သည့် UNION 

‘ပြည်ထောင်စု’ အသွင်မျိုးဖြစ်ကြောင်းကို ရဲဝံ့ပြတ်သားစွာ ပြောခဲ့ခြင်းဖြစ်သည်။

ယင်းသို့ ဆွေးနွေးပွဲတွင် စတင်အရေးဆိုနေဆဲမှာပင် အနှောက်အယှက်၊ 

အထစ်အငေါ့တစ်ခု ပေါ်လာပါတော့သည်။

ယင်းကား ဗြိတိသျှ 

အစိုးရထံသို့ မြန်မာနိုင်ငံမှ ကြေးနန်းတစ်စောင် ရောက်လာခြင်းဖြစ်သည်။ ကြေးနန်းစာတွင်

ယခု လန်ဒန်ရောက်နေသူ အောင်ဆန်းသည် တောင်တန်ဒေသ

တိုင်းရင်းသားလူမျိုးစုများကို ကိုယ်စားမပြု၊ အထူးသဖြင့် ရှမ်းပြည်နယ်ကို

ကိုယ်စားပြုသူမဟုတ်၊ မြန်မာပြည်မ၏ ကိုယ်စားလှယ်သာဖြစ်ကြောင်း

ပါရှိလာပြီး ကြေးနန်းစာ၏ အောက်တွင် ရှမ်းစော်ဘွားနှစ်ဦး၏ အမည် ပါလာသည်။

ဤတွင် ဗြိတိသျှ အစိုးရက အဆိုပါ ကြေနန်းစာကိုပြပြီး ဗိုလ်ချုပ်အောင်ဆန်းအား

‘မင်းပြောသလို တိုင်းရင်းသား လူမျိုးစုများကို ကိုယ်စားပြု 

အရေးဆိုပိုင်ခွင့်မရှိ’ဟု ပြောပါသည်။

ကြေးနန်းစာကြောင့် သခင်မြစသော မြန်မာကိုယ်စားလှယ်အဖွဲ့ဝင်များသည် အထူးစိုးရိမ်

တုန်လှုပ်သွားသော်လည်း ဗိုလ်ချုပ်အောင်ဆန်းကမှု

ယခုကြေနန်းရိုက်သူ စော်ဘွားနှစ်ဦးသည် လူနည်းစုသာဖြစ်ကြောင်းသိသဖြင့်

ဣနြေ္ဒမပျက်ချေ။

ရှမ်းစော်ဘွားနှစ်ဦးက ဗြိတိသျှအစိုရထံ ကြေးနန်းရိုက်လိုက်ကြောင်းကို ရန်ကုန်မြို့ရှိ

ဖဆပလဋ္ဌာနချုပ်မှ တာဝန်ရှိလူကြီးများက ကြားသိရလေရာ ချက်ချင်းပင်

တန်ပြန်လှုပ်ရှားမှုတစ်ခုကို ပြုလုပ်ကြပါသည်။ ကောင်စီဝင်)၊ ဦးထွန်းမြင့် (တောင်ကြီး)

တို့နှင့်တိုင်ပင်၍ ဗိုလ်ချုပ်အောင်ဆန်းအား အလေးအနက် ထောက်ခံသည့်

လူထုစည်းဝေးပွဲတစ်ရပ် ပြုလုပ်ရန် 

ရှမ်းပြည်နယ် လွတ်လပ်ရေးအဖွဲ့ချုပ်မှ ဦးတင်အေး (နောက်ပိုင်း

နိုင်ငံတော်ဗိုလ်မှုးအောင်(ရဲဘော်သုံးကျိပ်)၊ ဗိုလ်ထွန်းလင်း (ပြည်သူ့ရဲဘော်) နှင့်

ဦးဖေခင် (နောက်ပိုင်းသံအမတ်ကြီး၊

အငြိမ်းစား)တို့အား တောင်ကြီးမြို့သို့ စေလွှတ်လိုက်ပါသည်။

ဦးတင်အေးနှင့် ဦးထွန်းမြင့် (တောင်ကြီး) တို့သည် 

ဗိုလ်ချုပ်အောင်ဆန်း၏ ခေါင်းဆောင်မှုကို အကြွှင်းမဲ့ လက်ခံ 

ယုံကြည်သူများဖြစ်သည့်ပြင် အလွန်တက်ကြွသော လူငယ်များဖြစ်သည့်အလျောက် 

သူတို့ခေါင်းဆောင်သည့် ရှမ်းပြည်နယ် လွတ်လပ်ရေးအဖွဲ့ချုပ် သည် ရှမ်းပြည်နယ်တွင်

အထူးသြဇာညောင်းပြီး လူငယ်ထုအား စည်းရုံးသိမ်းသွင်းနိုင်ခဲ့ပါသည်။ ထို့ကြောင့် 

ဦးတင်အေး အမှုးပြုသော အဖွဲ့ချုပ်ခေါင်းဆောင်များက ပြည်နယ်အတွင်းရှိ 

မြို့နယ်အဖွဲ့ခွဲများအား စော်ဘွားနှစ်ဦး ဘိလပ်သို့ ကြေးနန်းရိုက်ခြင်းကို 

ကန့်ကွက်ရှုတ်ချသည့် အစည်းအဝေးများ ပြုလုပ်၍ ဆန္ဒ ပြကြရန် ညွှန်ကြားလိုက်သည်။

ထို့ပြင် တောင်ကြီးမြို့နယ်တွင် လူတန်းစား အလွှာအသီးသီးပါဝင် သည့် 

လူထုစည်းဝေးပွဲကြီးတစ်ရပ် ကျင်းပရန် စီစဉ်လိုက်သည်။ ယင်းလူထုစည်းဝေးပွဲသို့ 

တက်ရောက်သူလူဦးရေမှာ နှစ်ထောင်ကျော်ရှိရာ မြန်မာပြည်မတွင်ဆိုလျှင် ပရိတ်သတ်

မများလှဟုဆိုနိုင်သော်လည်း ရှမ်းပြည်နယ်အဖို့မှာမူ မကြုံစဖူး ထူးကဲစွာ

အင်အားပြလိုက်သော ဆန္ဒပြမှု သို့မဟုတ် နိုင်ငံရေးလှုပ်ရှားမှုကြီးတစ်ရပ် ဖြစ်ခဲ့သည်။ 

ယင်းအစည်းအဝေးကြီးက ရှမ်းပြည်နယ်အနေဖြင့် မြန်မာပြည်မနှင့်အတူ တစ်ပြိုင်တည်း 

လုံးဝလွတ်လပ်ရေး တောင်းဆိုကြောင်းနှင့် ပြည်မနှင့်အတူ တောင်တန်းဒေသ ပြည်နယ်များ

စုပေါင်းဖွဲ့စည်းအပ်သော ‘ပြည်ထောင်စု’ အသွင်ဖြင့် လုံးဝလွတ်လပ်ရေးရလိုကြောင်း

ဗိုလ်ချုပ်အောင်ဆန်း၏ တောင်းဆိုချက်ကို အကြွင်းမဲ့ထောင်ခံပါကြောင်း တခဲနက်

ဆုံးဖြတ်ချက်ချလိုက်ပါသည်။ အစည်းအဝေးကို ကြွေးကြော်သံများဖြင့် ရုတ်သိမ်း၍

စနစ်တကျ တန်းစီလှည့်လည်ကာ ဗြိတိသျှအစိုရ တောင်တန်ဒေသ

အုပ်ချုပ်ရေးရုံးရှေ့သို့သွားပြီး ကိုလိုနီနယ်ချဲ့ဆန့်ကျင်ရေး ကြွေးကြော်သံများ

ဟစ်အော်ကြွေးကြော် ဆန္ဒပြခဲ့ကြသေးသည်။ ဤကား ရှမ်းပြည်နယ် သမိုင်းတွင်

ပထမဆုံးအကြိမ် ပြည်သူလူထု၏ နိုင်ငံရေး ဆန္ဒပြမှုကြီးပင် ဖြစ်တော့သည်။

ထိုနေ့မှာပင် ဦးတင်အေး၊ ဦးဖေခင်တို့ အဖွဲ့က ရန်ကုန် ဖဆပလ ဋ္ဌာနချုပ်နှင့်

လန်ဒန်မြို့ရောက် ဗိုလ်ချုပ်အောင်ဆန်းတို့ထံသို့ လူထုစည်းဝေးပွဲကြီး၏ ဆုံးဖြတ်ချက်ကို

အမြန်ကြေးနန်းရိုက် အကြောင်းကြားလိုက်ကြသည်။

ဗိုလ်ချုပ်ကလည်း ဗြိတိသျှဝန်ကြီးချုပ် မစ္စတာအက်တလီအား တောင်ကြီးမြို့

လူထုအစည်းအဝေးကြီးမှ ဆုံးဖြတ်ချက်ကို ထုတ်ပြလိုက်သောအခါ ‘အောင်ဆန်းသည် 

ရှမ်းပြည်နယ်ကို ကိုယ်စားမပြု’ ဟူသော စော်ဘွားနှစ်ဦး၏ ကြေးနန်းသည်

အလိုအလျောက် ပျက်ပြယ်သွားလေတော့သည်။

သို့နှင့်ပင် ဗိုလ်ချုပ်တို့ မြန်မာကိုယ်စားလှယ်အဖွဲ့နှင့် ဗြိတိသျှ အစိုရတို့ ညှိနှိုင်း ဆွေးနွေးပွဲ

ဆက်လက်ကျင်းပနိုင်ခဲ့ရာ နောက်ဆုံး၌ ဗြိတိသျှတို့သည်

မတတ်သာတော့ဘဲ မြန်မာနိုင်ငံအား ‘ပြည်ထောင်စု’ ပုံစံဖြင့် လုံးဝလွတ်လပ်ရေးပေးရန်

သဘောတူကြောင်း အတည်ပြုသည့် ‘အောင်ဆန်း-အက်တလီစာချုပ်’ ကို

၂၇-၁-၄၇ နေ့တွင် လက်မှတ်ရေးထိုး ချုပ်ဆိုလိုက်ရတော့သည်။

သို့ရာတွင် မစ္စတာ အက်တလီဦးဆောင်သော ဗြိတိသျှအစိုးရသည် ၀န်ကြီးချုပ်ဟောင်း 

‘ချာချီ’ ဦးဆောင်သည့် ‘ကွန်ဆာဗေးတစ်’ ပါတီ၏ ဖိအားပေးမှုကြောင့် ‘အောင်ဆန်း-

အက်တလီစာချုပ်’ တွင် မသိမသာ လှည့်ကွက်သဖွယ် ‘၀ှက်ဖဲ’ တစ်ခု

ထည့်သွင်းရေးသားထားလေသည်။ ယင်း ‘၀ှက်ဖဲ’ ကတော့ ဤသို့ဖြစ်သည်။

‘အောင်ဆန်း-အက်တလီစာချုပ်’ ၏ အပိုဒ် ၃(ဂ) တွင် -

‘တောင်တန်းဒေသ ပြည်နယ်များအတွက်မူ သက်ဆိုင်ရာ

လူမျိုးစု ခေါင်းဆောင်များကိုယ်တိုင်က မြန်မာပြည်မနှင့်အတူ လွတ်လပ်ရေး ရယူကာ

‘ယူနီယံ’ ခေါ် ပြည်ထောင်စုပုံစံဖြင့် နေလိုကြောင်း အခိုင်အမာ စာချုပ်တစ်ခု

လက်မှတ်ရေးထိုးပေးကြရမည်’ ဟု ထည့်သွင်းထားခြင်းပင်ဖြစ်သည်။

ဤကား တောင်တန်းဒေသမှ တိုင်းရင်းသားလူမျိုးစုများ နေထိုင်ရာ ပြည်နယ်များနှင့်

ပတ်သက်၍ ဗိုလ်ချုပ်အောင်ဆန်းအား ‘စိန်ခေါ်’ လိုက်ခြင်းပင် ဖြစ်သည်။

ဗိုလ်ချုပ်ကလည်း ယင်းစိန်ခေါ်ချက်ကို ရဲဝံစွာပင် လက်ခံကာ ၁၉၄၇-ခုနှစ်၊ ဖေဖေါ်ဝါရီလ

၂ ရက်နေ့ အရောက် ရန်ကုန်သို့ ပြန်လာခဲ့ပါသည်။

ထိုအချိန်၌ တိုင်းရင်းသား လူမျိုးစုခေါင်းဆောင်များ၏ စုံညီအစည်းအဝေး

ကိုရှမ်းပြည်နယ် 

ပင်လုံမြို့၌ ဖေဖေါ်ဝါရီလ ၁၂ ရက်နေ့တွင် ကျင်းပရန် စီစဉ်ထားပြီးဖြစ်ရာ ဗြိတိသျှတို့က 

ဗိုလ်ချုပ်အောင်ဆန်းအား အဆိုပါ ‘ပင်လုံအစည်းအဝေး၌ လူမျိုးစု ခေါင်းဆောင်များ၏ 

သဘောတူ လက်ခံကြောင်းစာချုပ် လက်မှတ်ရေးထိုးအောင် တတ်နိုင်လျှင်

လုပ်ပြပါလော့’ ဟုစိန်ခေါ်လိုက်ခြင်းပင်ဖြစ်သည်။

ဗိုလ်ချုပ်တို့ ဗြိတိန်နိုင်ငံရောက်နေချိန်တွင် မြန်မာပြည်ရှိ 

ဗြိတိသျှအစိုရ တောင်တန်းဒေသ အုပ်ချုပ်ရေးဋ္ဌာနမှ ‘စတီဗင်ဆင်’ဆိုသူ ဦးဆောင်သော 

နယ်ချဲ့လက်ပါးစေများသည် တိုင်းရင်းသား လူမျိုးစုခေါင်းဆောင်များအား 

နည်းမျိုးစုံဖြင့် သွေးခွဲနေခဲ့ကြသည်။

‘အောင်ဆန်းတို့ကို မယုံကြနဲ့၊ သူနဲ့ပေါင်းရင် ခင်ဗျားတို့ ဒုက္ခရောက်မှာပဲ၊ 

ဗြိတိသျှအုပ်စိုးမှု အောက်မှာပဲနေမှ ခင်ဗျားတို့သက်သာမယ်’ 

စသည်ဖြင့် ခြေထိုးသွေးခွဲသလို တစ်ဖက်ကလည်း နိုင်ငံခြားမှ အကောင်းဆုံး 

အရက်ယမကာများ၊ စားကောင်းသောက်ဖွယ်များဖြင့် ဖြားယောင်းစည်းရုံးမှုကြောင့် 

လူမျိုးစုခေါင်းဆောင်အချို့သည် ဖေဖေါ်ဝါရီ ၁၂ ရက်နေ့တွင် ပင်လုံစာချုပ်

လက်မှတ်ထိုးသင့်၊ မထိုးသင့် စဉ်းစားရာ၌ တွေဝေလျက် ရှိကြသည်။

ထို့ကြောင့်လည်း ဗိုလ်ချုပ်သည် လန်ဒန်မြို့၌ တစ်လလုံးလုံး အလွန်ပင်ပန်းစွာ အလုပ် 

လုပ်ခဲ့ရပြီးနောက် ရန်ကုန်ပြန်ရောက်သောအခါ အနားယူ အပန်းဖြေရန်ပင်

စိတ်မကူးတော့ဘဲပင်လုံသို့ ဖေဖေါ်ဝါရီလ ၈ ရက်နေ့အရောက် ခရီးထွက်ခဲ့ပါသည်။

ဗိုလ်ချုပ် ပင်လုံသို့ရောက်သွားချိန်၌ အခြေအနေမှာ ဖေဖေါ်ဝါရီလ ၁၂ ရက်နေ့ 

ကျင်းပမည့် ပင်လုံညီလာခံကြီးတွင် တိုင်းရင်းသားလူမျိုးစု ခေါင်းဆောင်များ 

စည်းလုံးညီညွတ်စွာဖြင့် လက်မှတ်ရေးထိုးကြပါ့မလား ဟုစိုးရိမ်ဖွယ် ဖြစ်နေသည်မှာ 

အမှန်ပင် ဖြစ်ပါသည်။

ယင်းအခြေအနေကို ကောင်းစွာသိပြီး ဗိုလ်ချုပ်အောင်ဆန်း၏ ခေါင်းဆောင်မှုကို 

အကြွင်းမဲ့ယုံကြည်ထောက်ခံသူ ကချင်ခေါင်းဆောင် ဆမားဒူဝါဆင်ဝါးနောင်၊ 

မိုင်းပွန်စော်ဘွားကြီး (အာဇာနည်ခေါင်းဆောင်) နှင့်တကွ ရှမ်းပြည်လွတ်လပ်ရေးအဖွဲ့မှ

ဦးတင်အေး၊ ဦးထွန်းမြင့် (တောင်ကြီး)၊ အိုင်စီအက်စ် ဦးတင်ထွဋ်၊ ဦးဖေခင် 

စသောပုဂ္ဂိုလ်များက ပင်လုံရောက် ကိုယ်စာလှယ်များအား အလျင်အမြန် 

စည်းရုံးလှုပ်ရှားမှုဖြင့် နှစ်နာရီ အတွင်း ကိုယ်စားလှယ်ပေါင်းစုံပါဝင်သော 

အစည်းအဝေးတစ်ခု ဖြစ်မြောက်သွားပါတော့သည်။

ယင်းအစည်းအဝေးသို့ ဗိုလ်ချုပ်ကိုယ်တိုင်တက်ရောက်ပြီး ‘ယူနီယံ’ ခေါ် ပြည်ထောင်စု 

အသွင်ဖြင့် ပြည်နယ်များနှင့် ပြည်မတို့ ပူးပေါင်းဖွဲ့လျက် လွတ်လပ်ရေး

ရယူခြင်းသည်သာလျှင် အကောင်းဆုံးဖြစ်ကြောင်း အချက်အလက် စုံလင်စွာဖြင့် 

ရှင်းလင်းပြောပြရာ အားလုံးက နားလည်သဘောပေါက်သွားပြီး

လက်ခံသဘောတူညီသွားကြလေသည်။

ထိုနေ့ကား ၁၉၄၇-ခုနှစ်၊ ဖေဖေါ်ဝါရီလ ၁၁ ရက်နေ့ပင်ဖြစ်သည်။

တစ်နည်းအားဖြင့် ပြည်ထောင်စုနေ့ (ဖေဖေါ်ဝါရီလ ၁၂) ဖြစ်ပေါ်လာစေသည့် 

ပင်လုံညီညွတ်ရေး စာချုပ်ကြီး ဖြစ်မြောက်အောင်မြင်ရန် ဖေဖေါ်ဝါရီလ ၁၁ ရက်နေ့ 

ညနေကျမှပင် သေချာသွားခဲ့ပါသည်။

ထိုအချိန်၌ ‘စတီဗင်ဆင်’ ဦးဆောင်သော

ဗြိတိသျှနယ်ချဲ့လက်ပါးစေအုပ်စုကတော့ နောက်ဆုံးအခြေအနေကို မသိကြသေး။

သူတို့သွေးခွဲ ခြေထိုးထားသည့်အတိုင်း ပင်လုံစာချုပ် မည်သို့မှ ဖြစ်မြောက်နိုင်မည် 

မဟုတ်ဟု တထစ်ချ ထင်နေကြဆဲပင် ဖြစ်သည်။

တိုင်းရင်းသားလူမျိုးစု ခေါင်းဆောင်များနှင့်တကွ ကချင်ဒူဝါများ၊ ရှမ်ပြည်နယ်မှ 

နယ်ရှင်စော်ဘွားများသည် ဗိုလ်ချုပ်၏ နှလုံးသားအတွင်း အခိုင်အမာ 

ကိန်းအောင်းနေသည့် ‘ပြည်ထောင်စုစိတ်ဓါတ်’ အကြောင်း ကောင်းစွာသိမြင် 

သဘောပေါက်သွားကြပြီ ဖြစ်လေသည်။

ထို့ကြောင်ပင် နောက်တစ်နေ့ ဖေဖေါ်ဝါရီလ ၁၂ ရက် နံနက် ၁၀ နာရီအချိန်တွင်

‘ပင်လုံညီညွတ်ရေး စာချုပ်ကြီး’ ကို တစ်ယောက်ပြီးတယောက် ဆက်တိုက်

လက်မှတ်ရေးထိုးလိုက်ကြသည်။

ဤကား ၁၉၄၂-ခုနှစ် ဗမာ့လွတ်လပ်ရေး တပ်မတော် (ဘီအိုင်အေ) ခေတ်မှစ၍ 

ဗိုလ်ချုပ်အနေဖြင့် အထူးကြိုးစာ တည်ဆောက်ခဲ့သော

တိုင်းရင်းသားစည်းလုံးညီညွတ်ရေး၊ စစ်ပြီးခေတ် ဖဆပလ အဖွဲ့ချုပ် သို့မဟုတ် 

အမျိုးသားတပ်ဦးကြီး၏ ဥက္ကဋ္ဌအဖြစ် တိုင်းရင်းသားလူမျိုးစု များအား တရင်းတနှီး

စည်းရုံးခဲ့ခြင်း၊ (၂၆-၉-၄၆) နေ့တွင် အစိုးရ 

အာဏာရရှိပြီး နောက်တွင်လည်း တောင်တန်းဒေသများသို့ 

ကိုယ်တိုင်သွားရောက်လျက် သွေးချင်းလူမျိုးစုများအား အပင်ပန်းခံ စည်းရုံးခဲ့ခြင်းတို့၏ 

ရလဒ်ပင်တည်း။

တစ်နည်းအားဖြင့် ဗိုလ်ချုပ်သည် သူ၏ စည်းရုံးရေးစွမ်းရည်ဖြင့် 

‘ပြည်ထောင်စုသမ္မတ မြန်မာနိုင်ငံတော်’ ဟူသော လွတ်လပ်သည့်

အချုပ်အခြာအာဏာပိုင် နိုင်ငံတစ်နိုင်ငံကို ကမ္ဘာ့မြေပုံပေါ်တွင် 

ထင်ရှား ပေါ်လွင်စွာ ရေးဆွဲဖန်တီးနိုင်ခဲ့ခြင်းပင် ဖြစ်ပါသတည်း။

တက္ကသိုလ်နေဝင်း

စတိုင်သစ်မဂ္ဂဇင်း (ဖေဖေါ်ဝါရီ-၁၉၉၅)

ဗိုလ်ချုပ်အောင်ဆန်း အမှုးပြုသော ကိုယ်စာလှယ် ၂၂ဦး တို့သည် သမိုင်းဝင်

LIKE BOX